因為晌植民地時代成長,所以由細到大都對英國嘅嘢情有獨鍾。 而Burberry 亦係我其中好喜愛嘅品牌,最近買咗佢哋嘅lip mist唇膏#209色。 先講吓個包裝,好靚!金屬鏡面印上佢哋牌子嘅格仔紋,靚! 8-) 個蓋同底座有個磁石位,一啪落去個蓋就會自動cup實,好得意! 質地方面,聽個名就知佢係比較水潤,試上咀,不得了!好潤好creamy!佢填滿咗我嘅唇紋,所以望落唇紋都淺咗!而且佢有一陣好淡嘅玫瑰香味,感覺好優雅。 Burberry lip mist暫時係我用過幾個大牌子中最最最潤嘅一個!非常喜歡! 我買咗#209色,係帶橙嘅粉紅色(但影出嚟係變咗橙色),好自然,無論係返工、同朋友食飯行街都好啱,唔會好誇張,基本上好多時候都會用得著。 唯一有樣小缺點就係佢唔算好long lasting,不過食完嘢補一補,我覺得係接受到。 大家快d去counter 試吓、感受吓啦! About me: facebook: 輕熟女日誌https://www.facebook.com/twitloveslife/timeline ig: twit_dairy