名牌中古市場依幾年好HIT~所以價格都越黎越貴對於小資女黎講, 反而開始轉移視線到中古品二次創作既市場各大名牌既Ready To Wear (成衣類)其實比手袋更加貴就算中古品都有番咁上下價錢但衣品類其中有一個小detail 就可以化身為唔同既日常小飾品 就係鈕扣啦!!名牌鈕扣通常一定有Logo, 而且會因應當季推出既主題而有番相應既設計Chanel 就有出雙C, 經典黑白茶花, 心型鑽邊, 四葉草等等系列 IG 店店主就利用鈕扣黎一個二次創作~將佢地變成橡筋, 耳環, 髮夾, 戒指, 將佢地由配角進升為主角!而且價錢都係幾百蚊不等~視乎款式而定~小資女都輕易負擔得到依啲小飾品係日常更加容易配搭得到~我都入手左幾款, 實測下二次創造後既手工如何 首先就係IG店賣得最熱既橡筋款, 買左以下兩個款式, 仲可以額外加錢配搭埋施華洛珍珠 始終係中古品~所以少許花同瑕疵係在所難免~特別係鈕扣依啲高機率碰撞位除左用黎紮頭髮, 仲可以就咁帶上手做手飾都唔錯架!珍珠雙C Size 夠大, 好適合用黎紮頭髮~特別搶眼另一款無咁斯文, 就適合Causal Wear~ 兩條橡筋都戴左一排, 完全無鬆脫問題, 而且橡筋既鬆緊都岩岩好!最後買既當然係女生都想擁有既Chanel 耳環因為我無耳洞, 所以落單前已經詢問店主可唔可以改成耳夾款 店主都好落力幫手搵適合既耳夾托, 以下就係製成品啦!(鈕扣背後都有chanel logo!) 如果想日常配戴, 建議揀番細size 少少既鈕扣依款戴上耳珠位後, 就岩岩好啦~ 終於擁有一對珍珠雙C耳環啦~~~店主會不斷加入新既鈕扣款式~除左以上既橡筋同耳環之外, 仲開始整埋髮夾, 吊式耳環添!點擊圖片放大 提及的IG SHOP: loway_vintage
