香港的2019，未到 Halloween已經夠哂恐怖，血腥，仲需要halloween 嗎？ 我覺得要令運動持久，就係要將運動生活化，唔可以俾白色恐怖籠罩住我地，我地要馬照跑，舞照跳，Halloween ？ 照出去，冇心機？ 等我同你做個化妝分享 2019： 親子組＋成人組！ 其實有小朋友，Halloween 就可以簡單d，唔一定係要好恐怖，扮下唔同人物，角色，派下糖就已經足夠。上年我扮左女魔皇，Paris 好驚，今年 Sydney 都有份參與，所以我咪輕手d，扮下女侍應，結果我係餐廳真係有人搵我落單～ yes，即係成功左啦～ 好喇，如果小朋友好似 Paris 咁大少少，唔想血腥，都仲有好多選擇，今次我係化 “貓貓”，但就少少怪異感，唔係可愛 type 嘅，小朋友應該唔會驚。 呢個妝，真係5分鐘完成，係個 base 上面，改一改粉紅色eye shadow，然後就用 eyeliner 勾出輪廓線條，初初唔慣就一條一條線咁畫，左右平衡左先，睇清楚襯返自己面型再修飾。 有個小 tips，收每一條線收尾都要尖，咁就會望落瘦d～ 其實改下d 唇同眼影色，呢個妝都可以再恐怖d 架～ 今次我推介大家呢盒 BERRY MUCH LOVE "LOREAL PARIS"，一來價錢平，二來16個色其實有一半都係 earth tone，而其他 BERRY 色系，都好易 Handle，重點係佢唔會太閃，接近 matt，所以我可以用黎化下面，呢個， 香港專屬，“發夢受傷妝”～ 至於，咩叫“發夢受傷妝”，恕我未能仔細解釋了～ 好痛呀，塊面爛哂，一定係俾衰人追到跌落地整親！ 有多少少時間？ 不如試下 JOKER? 化 Joker 其實都唔係難，只不過要去買白色面部顏料，否則就做唔到呢個效果喇～ 我都將 joker 妝拍左片，大家有興趣可以去睇下，最難呢，就係將頭髮變綠，有心整可以去出面搵 d 一次染髮 product～ JOKER MAKEUP 11月1日，就係 ADDAMS FAMILY 上影嘅日子，所以，我又試下呢個 ADDAMS MAKEUP～ 咁多個呢個都算難，因為要改輪廓，特別係條眉～ 大家可以click 入去睇下俾個like 支持下～ 化呢個妝化白面可能係最麻煩，要灰白又要有輪廓，不過幾好玩，如果加埋黑色長假髮，就應該會好似 好似～ Halloween 係要嚇走d 妖，魔，香港太多，大家一齊加油，反抗！ ＃halloween ＃halloween2019 ＃化妝 ＃化妝示範 ＃恐怖妝 ＃受傷妝 ＃香港發夢受傷 ＃hkblogger ＃twinklec ＃自由寫作人twinklec ＊＊＊＊＊＊＊＊＊＊＊＊ #parissydney搗蛋之日常 #twinklec ＊＊＊＊＊＊＊＊＊＊＊＊ 叁拾_噏 30_Up ＊＊＊＊＊＊＊＊＊＊＊＊ Endocare SCA40 強效活肌修復精華 POLA IFC全新旗艦店 2019 AW [ Youtube ] ******************* Twinkle C ********************* www.twinklec.com www.iamtwinklec.com 公關聯絡︰ leesiuj@gmail.com 讀者提問︰bloggertwinklec@gmail.com | Facebook | | Youtube | | Instagram |
