[SKIN] 百家匯 (團購)- 有問題 mask - 雷雷雷! 離哂大譜! 我係 Mikiki 百家匯Buyhome 買左3塊mask, 點知有 2塊都有問題!! 仲唔肯退款! 大家要小心! 我所買的,係以下3塊 3 STEPS 豬鼻面膜 點知我用完 STEP 1之後, 一打開 STEP 2, 鼻貼完全黏死左係膠片! 用盡辨法都拎唔到出黎用, 之後我拎哂 3塊面膜,要求 百家匯 退款,3塊 共$42。 點知 百家匯 唔肯全數退款$42,我同呀『銷售主任』MR WONG 傾左10分鐘電話,佢話要求我換貨,只願意退 1塊! 佢話︰ 我對我地貨品好有信心,從冇試過有問題,你而家開左一塊有問題,我就只會退一塊俾你,另外兩塊,我公司認為係冇問題,所以只會接受你換貨。 最多你下次用個時,如果用到STEP 2 都有問題,我再退款俾你! . 我話︰ 好明顯而家係張鼻貼溶左,先會撕唔出黎,一張有問題,我當然唔會再敢用你地D野,如果下次我又係用完STEP 1,張開哂D毛孔, STEP 2 又係有問題, 咁我鼻點算?? 再講,你STEP 2有問題, 即係 STEP 1 同 STEP 3都有問題, 都係受熱過,變左質,咁仲要我D皮膚去試?? . 佢話︰ 一係你而家係我店員前,開哂3張MASK, 如果有問題, 我就即刻退款, 冇問題, 你就自己拎走張MASK!我對我地公司貨品好有信心! 最後,係佢咁態度下,我已經好嬲, 然後我當場打開哂其餘 2張MASK,結果一共有 2張MASK 都有同樣問題,熱溶左係膠片上! 我話我一蚊都唔洗你退,我要返塊 mask影相講俾大家知! . (上圖中︰上, 中就係有問題, 熱溶左嘅 STEP 2, 而下,就係好彩未溶哂嘅鼻貼!) 如果我買3張,壞左2張,67% 壞貨率都仲可以咁大聲話 『對自己公司貨品有信心』,我就真係冇野講 大家要小心,百家匯係yahoo 等group buy 都有上架! 佢地賣好多 MASK, SERUM, 化妝品等, eg.: https://hk.deals.yahoo.com/hong-kong/offer/168855?src=ecm 但係佢地就將 D mask, serum, 化妝品存放係貼近光管位置,令貨品每一日咁受熱,熱過嘅產品,外表上冇問題,但成份同質量已經受熱過, 好似將溶過嘅雪糕再雪凍一樣,用係大家面上真係要小心,如果係美白產品受熱過會更危險! 豬鼻貼step 2 應該可以由透明膠片上撕下來使用,但佢已經完全溶化係膠片,鼻貼完全黏死左係膠片! 我買3塊,2塊都係咁! 仍然唔肯全數,$42退款! 所有美容產品,都存放貼近光管位置,產品每一日地受熱! VITAMIN C 都如此受熱,大家認為仲有冇效用呢?? . 店員話,我地產品有日期,你個塊都未過期,你唔可以話呢塊面膜係『有問題』 . 即係咁,我係因為方便,先係屋企附近買MASK,但經過呢件事之後,大家要小心『團購』-百家匯,即使大家買到有問題產品,都唔會有人理你,完全冇保障! . . 作為一個BEAUTY BLOGGER,遇到咁嘅事,我必須要跟大家分享,唔希望有人好似我咁,買左『受熱』過嘅產品,都唔知,用上面出現問題時都冇地方伸訴! . [‧其他文章‧] SK-II 全新 科研極效淨斑精華 >‧< [Life] 跟我漫活 Koh Samui -電單車環島遊(1 take 過) . [? Youtube ?] 2014 新品 CLINIQUE CC Cream 粉餅- REVIEW & 示範 ******************* Twinkle C ********************* She.com Guest Writer .Blogspot | Wordpress | The Ztyle | BECE | She.com | FnB | Elle | Weibo | Pixnet | Beauty Life New* SNAP MAGAZINE.. 公關聯絡︰ leesiuj@gmail.com 讀者提問︰bloggertwinklec@gmail.com * | Facebook | | Youtube | | Instagram | | About Me | * Thank you for visiting. 以上產品及資料, 部份由商家提供, 使用心得為個人意見的分享, 最終效果因人而異。