[Life] 跟我漫活 Koh Samui 電單車環島遊(1 take 過) . . 我的朋友，就會知道我有幾熱愛泰國，passport 中有幾版係專儲泰國的三角形印仔。 跟我漫活 Koh Samui ，我不打算帶大家去食fine dinning，不打算跟大家介紹有咩好玩。跟我漫活 Koh Samui，適合跟我一樣，只想找個世外桃源，離開香港，避靜幾天的情侶，我會帶大家來一個不花分豪的『環島遊』。 . . 搞笑咩，去到泰國竟然唔係享受當地生活，而係去食fine dinning，不如留返係香港先食啦！ 泰國小島嘅玩意，黎黎去去，又係jet ski, avt 4 wheel, 上山飛黎飛去, 出下海, 潛下水, 騎下大象, 玩下射擊等等，有關資料，大家google 就會搵到。 . 有個習慣，我每次都會入住唔同酒店，今次選擇了 ANANTARA RESORT。 去到SAMUI，GOOGLE 一下，先發現原來只距離機場5分鐘車程，近到不得了。 我坐BANGKOK AIRWAY 直航，4個鐘就到，去到只係下午1點，我地就去左食個LUNCH，然後去租電單車。 租電單車: 1. 泰國人就會KEEP 你個PASSPORT，但我地一向好安全，我地黎之前都會COPY 個國際車牌，萬一有意外，保險先會保。 2. 一般可以選擇以THB4000做DEPOSIT，頭盔亦有免費供應，由於我地會『環島遊』，因此頭盔是有需要的。 3. 租大綿羊價格︰THB900/4日 4. 大家拎車前最好就同架車影多幾張相，還車時大家可以避免ARGUE 5. 成個SAMUI 都有一枝枝電油入，THB40一枝，唔洗怕搵唔到酒站，但當然呢D THB40 一枝就好雜下，入左一枝先，再去搵油站入就最好。 6. 酒店一般可以FREE PARKING, 大家唔洗擔心 . ** 我同我老公都有電單車牌，雖然冇車牌佢都會租俾你，但大家就要小心衡量自己技術能否應付，ANANTARA 3分鐘車程就有一間醫院，萬一有咩事，大家都要知點處理。 BTW，我上年玩ATV就翻車入左呢間醫院喇！ KOH SAMUI 同其他島一樣，有好多小食，但CHAWENG BEACH 就比較少D街邊檔，反而會集中係D空地，公園等位置，行下就會搵到。 蘇梅比象島, 沙美, 清澫, 布吉, PATTAYA好，其中一個原因係野食比較好味, 好多不同風味選擇，而且價格合理。 以下呢一間，係門口有一架大船，入面亦好大間，WEEKEND 有時會有LIVE BAND，7年都仲係度，食物質素好，乾淨，但人嘅態度就一般般啦~ 呢一餐就合共 THB 2330，2個人都應該夠飽喇~ 我唔會介紹邊一間好食，邊一間唔好食, 因為每一個人喜好都唔同，而且佢都可能會轉廚師，去旅行麻，就應該多試多食，考下自己眼光，每一餐都可以試下唔同菜，遇著好難食的，就記住，聽日唔好再黎~ ANANTARA 的早餐，我最喜歡是多變化，而且好多即煮的包點，甜點同SALAD，仲有不同的生果同JUICE，想食咩都有。 去沙灘就當然係指定節目啦，我帶左3套泳衣，唔洗擔心乾唔切~ 喜歡陽光與海灘嘅朋友，都會明白，係沙灘唔需要有咩活動，都可以係好開心咁渡過一個下午~ 可況 Chaweng beach 咩都有得玩，絕對唔需要擔心。 我都帶左呢頂 太陽帽 過去，夠輕，又可以遮哂成塊面，仲可以一邊擋太陽，一邊活膚！ SunSoul™ Reddmod™ 伸縮嫩膚帽 曬到熱辣辣，LUNCH 我只可以食個包，我真係唔可以好似我老公咁食一碟飯！ 泰國係有好多生果，不過我突然想食蘋果，只有係BIG C 先搵到，CHAWENG BEACH 揸車過去就大慨10-15分鐘，行就起碼45分鐘，冇車就要坐TUK TUK！ ANANTARA 個PANCAKE 好好味, 食完都開心D! 其他食物每日都會換款，唔會食到悶~ ANANTARA 有個私人海灘，但好多石，唔建議游水啦! 呢一個朝早，我就係度拉下筋，做下YOGA！ 我就身水身汗，鏡頭另一邊，我老公就係度食菠蘿冰！ ANANTARA 最好就係有大量食水供應，每日起碼6枝，我日日都會飲大量水! 唔係會中暑架! 如果你都想特別d，大家都可以跟我一起去電單車環島遊～ 連埋lunch 同tea 大約需要3小時啦～ 因為要長時間戴頭盔，我就特別扎左個頭，咁就唔怕除頭盔之後頭髮會變形！ 如果唔想變燒豬，開車前要加件有袖衫，唔係個膊頭會曬燶～ 環島遊必備物品︰ 1．長方毛巾，當落車後，seat 位會好快曬熱，有毛巾就唔洗擔心 2．水一枝，雖然有好多士多同seven，帶定一枝有備無患 3．相機一定要跟身 4．有goggle map 手機（iPhone） 5．有防風功能太陽眼鏡 （nike） 6．足夠現金 7．酒店地圖 8．預先load左koh samui google map 其實koh samui 真係唔大，大家只要跟住主馬路行駛，再使用google map 已經可能做得到。 goggle map 唔需要上網，都可以做到定位，只需要事前先係有internet 地方，load左一次個地圖，咁之後出車就唔需要上網，都可以接收定位！ 好喇，我地由chaweng beach 開左車20分鐘，經過左一段上上落落山路 （同觀景台），再行一陣就會見到 TESCO，其實一路都有好多位置可以停車，行落去沙灘睇，之後好快就會到左另一個靚沙灘 － lamai beach! 行多10分鐘到，就會見到有一個轉角位，有間7－11，有條斷橋，仲有個亭，有d當地人都會係呢個位置休息，我地呢個時候亦停低左休息。 入seven當然買d小食，泰國seven最出名就係腸仔啦！ 休息完10分鐘，我地又再開車，之後都係大路，車速可以比之前快d少少，15－20分鐘，就會經過一間 tesco express，油站等等，然後就會見到一個好大嘅市場。 入面係平民區，咩都有，生果個d都有，不過多數唔識英文，簡單買個生果都冇問題～ 食lunch 就唔建議係呢度喇～ 好喇，睇完，影完相，又再出發～ 其實d馬路係好闊，但如果你唔係太熟電單車，就唔好左穿右插，固定自己路線，人地爬頭都會安全d～ 電單車好處，藍天白雲任睇，泰國海邊空氣任吸～ 當然，我有25年坐電單車經驗，我係電單車上可以隨意活動，如果你係乘客，而你又冇咩經驗，就唔好亂動，因為都會影響揸車個個～ 好喇好喇，過左市場7－8分鐘到，就要轉出海邊 － 碼頭，每個月full moon party 就係呢個碼頭上船，呢個係samui 最重要碼頭，來往好多地方嘅船都係呢度上落，因此呢度都係旅遊區，而且90％係back packer～ 我地亦係呢度搵野食～ 呢度一區有好多野食，多數都有wifi，可能慢慢選擇，有d都幾靚架，仲有得租地方住埋，食個靚 lunch～ 之前仲可以出碼頭，睇下當地漁船工作情況～ 海天一色，係幾浪漫～ 曬左個幾鐘，成個人溶化左，我建議女士都唔好打算化妝，搽防曬就夠喇～ lunch 時洗個面休息下，再出發前15分鐘補一次防曬，唔係就會變燒豬～ 而我，就曬到變左泰妹～ d人係咁同我講泰文～ 雖然我每年都會黎一次，但都唔會悶，唔怕熱死，絕對可以係呢度慢慢睇風景～ 休息完，行程已經完成 3／4，大約25－30 分鐘就可能返到chaweng beach～ 每次黎到呢度，就會有少少唔捨得～ 之後沿大馬路，都會見到不少resort，如果想靜靜地渡過，呢一區resort 亦都可以考慮～ 話咁就返到市區，經過好多工廠商店後，街上又回復熱鬧，人多車多，跟程其實好短，不過往往都會塞車～ 要忍耐一下～ 當你見到makro 後，不久就會見到big c，亦係之前我提個間big c，喜歡就可能順便買下野～ 不過makro 會相對多d選擇，呢間big c 只有一層，唔太吸引～ 過左big c，15分鐘就回到酒店了～ 返到酒店，游個水，沖個涼，就出街食晚飯～ 剛剛，我地去個時係 samui 6th 電單車節，係島上一個盛事，一連2晚有show外，早上更加有 morning drive～ 我喜歡samui，除了地方未被污染，samui 的人亦保持泰國人嘅熱情同親切，亦會保留一份率直同真誠，遇到任何困難，samui 人多數都願意幫忙，對比phuket pattaya 個d，samui 可愛得多，島上的店鋪設施，多數都冇太大多變化。 今年samui centre 開左一個好大嘅shopping mall，係chewing beach 中央，一個少少的地方，起一個咁大嘅mall，商業味道比以往重左，多左個有冷氣food court，落大雨個時都總算有個容身之處～ 不過依我所見，星期日的日子，呢個 mall反而見到多d samui 本地人，一家大細，或者一對對情侶拍拖～ 遊客就反而唔太多～ 呢個好好味日本定食，就係係呢個mall 到食架喇～ 最後同大家都講下我間酒店啦～ 其實成間酒店都好好，食物好食，90％員工都好有禮貌～ 而我間房係有一個唔太大私人泳池，房入面空間就冇，戶外就有好多： 包括廁所沖涼都係露天，夜晚沖涼就嚇死我～ 所以我對間房就好唔滿意，而且book個時話有free wifi，去到就話得public地方有，房內要加錢，我嘈完佢先話做佢酒店member 就可能free 房內wifi…激死我。 成間房都有好多 "鹽蛇" ~ 晚晚同佢"地" 玩遊戲~! 去機場只需要5分鐘車程，旱左當然要去飲杯野，然後俾 THB30 買30分鐘上網，舒舒服服咁等返香港～ 呢杯 berry smoothie 真係好好飲～ 好飲過香港個d～ 整個samui 旅程，我帶左呢3枝防曬，上機同回港就用左clinique even better，因為有皮膚色可能遮瑕，撞到人都冇咁尷尬～ 而係samui 時，我就用bio－essence，bio－water系列防曬，當中加入冰涼配方，搽個時涼浸浸好舒服，係沙灘補妝個時再搽都會有一陣涼意，爽丫丫～ 而且佢不油膩，搽完好快就可以吸收哂，spf56有效阻擋早上猛烈陽光，包括 uva ＆ uvb～ 4－5點黃昏時份，我就會搽spf 30個枝，確保可以阻隔黃昏個時個d陰曬～ 我嘅旅行方式，係好盡情享受嘅人，絕對唔會為左『靚』而扮到隻雀咁去陽光與海灘，亦唔會化妝，因為化了妝只會令玩個時不能盡慶～ 背心，bikini，短褲短裙拖鞋就係我指定服裝，有咁輕便得咁輕便，又要襯衫，又要襯鞋，不如返香港去西貢玩算～ 黎到samui，就係要好好享受自由自在，care free 感覺，呢個先係真我～ [‧其他文章‧] LA VIVANA 精靈故事 >‧< JILL STUART 桃子果汁 airy tint CC cream . [? Youtube ?] 曬後毛孔清潔的冷敷面膜 (EJG 童顏舒緩冷敷劑 使用示範) ******************* Twinkle C ********************* She.com Guest Writer .Blogspot | Wordpress | The Ztyle | BECE | She.com | FnB | Elle | Weibo | Pixnet | Beauty Life New* SNAP MAGAZINE.. 公關聯絡︰ leesiuj@gmail.com 讀者提問︰bloggertwinklec@gmail.com * | Facebook | | Youtube | | Instagram | | About Me | * Thank you for visiting. 以上產品及資料, 部份由商家提供, 使用心得為個人意見的分享, 最終效果因人而異。
