繼續享用大阪地鐵的1 day pass！ 去左門真南站的outlet, 零收穫＝＝ 睇黎都係大自然風景適合我多D 立即再去搭谷町四丁目，參觀大阪城！ 又係櫻花海和人海... 一路跟指示行去天守閣，途中經過博物館。 水面的倒影，好漂亮！！ 終於行到大阪城天守閣啦，好多大媽。。。天守閣附近有幾個大字型的黃仔公仔供遊客影相，但大媽竟用黎''埃''住。。。當時有好長條人龍排緊隊同個大字型的黃仔公仔影相嫁。。。大家都好無奈～ 所以我走左去側面影，無咩人，天守閣的側面都好靚！ 任何畫面配上櫻花都靚呀！！！ 其實我都有入去天守閣參觀的，入埸費６００Yen, 有地鐵１日pass可減１００Yen! 天守閣有７層，升降機只可以直接上到４樓定唔知５樓，其餘的。。。都要行樓梯啦！仲有入面的展館唔比影相，如果不喜歡參觀博物館的話，就不必入天守閣吧！而最高的樓層就可影外面的風景！ 影相影到相機無晒電，為左今晚要影夜櫻，返左酒店差電（自己都差下電），再返返黎大阪城旁邊的西之丸庭園！好彩有地鐵1日pass！ 西之丸庭園夜櫻期間的開放時間：晚上6pm-10pm, 入場費用350Yen。西之丸庭園入面都有小食店，但較貴！建議在天守閣外面的小食店買左食物先！ 西之丸庭園一路播著輕快的日文歌，加上７彩變化的燈光效果，好有節慶氣氛！ 加上西之丸庭園地方好大（強調返真係好大好空曠！），絕對唔會好似上次祗園白川條街咁迫！在西之丸庭園大家都可以有足夠的空間坐在草地上欣賞夜櫻！這樣才有心情慢慢欣賞吧~ 點擊圖片放大 +13 我自己好喜愛最後這一張，大阪城，真美！ 大阪城點去？ 地鐵谷町四丁目站，咩出口就唔記得，到時睇指示牌就可以，再步行10分鐘。 ----------------------------------------------- 你肯KEEP住睇, 我肯KEEP住寫! contact me: twentyonestyle@yahoo.com.hk http://twentyonestyle.blogspot.hk http://twentyone.theztyle.com http://www.weshare.hk/twentyone https://blog.ulifestyle.com.hk/blogger/twentyone http://www.beautyexchange.com.hk/blog/twentyone http://blog.she.com/twentyone http://blog.qooza.hk/twentyonestyle http://www.openrice.com/restaurant/userinfo.htm?userid=756192
