今日買左大阪地鐵１日pass，星期六日只需要600Yen，盡量去多幾個地方先！ 第一站中之島！ 由地鐵’’淀屋橋’’站出黎，行幾分鍾就見到大阪市中央公會堂啦！上網找查資料，大阪市中央公會堂於1918年建造，係屬於新文藝復興式的歷史建築風格。嘩～好文藝呀！ 其實我黎中之島個目標係蛋包飯！！上網睇到好多台灣blogger介紹大阪市中央公會堂入面的中之島俱樂部餐廳，蛋包飯午餐set平靚正！可惜。。。中之島俱樂部已經搬左去大阪辯護士會館，同呀保安哥哥溝通左好耐，佢話搬左唔係好遠咋～好彩最終都搵到！ 我特登在Google Map標示了’’大阪辯護士會館’’的位置，大家下次去食蛋包飯唔洗摸門釘啦！ 新舖在大阪辯護士會館Ｂ１，新名改為洋食俱樂部EN 如果無記錯，個蛋包飯Lunch Set只係600Yen, 跟一個忌廉湯！ 其實我今次係第一次食蛋包飯，上面的汁係牛肉汁黎嫁，Mix左酸忌廉，好Match!! 個飯入面仲有雞肉粒，好滿足！ 好吸引！！！ 食完午餐就行下中之島公園，環境好寬敞舒服！ 中之島公園是於1891年由大阪市建造的大阪最早的公園。中之島公園園內有一座薔薇園，種植有大約100多種薔薇花，現在是櫻花季當然無玫瑰花啦！ 點擊圖片放大 再行返去大阪府立中之島圖書館 入左去行個圈～入面真係好古典（好多地方都脫色同有黃漬），但真係好鬼靚！！！ 就咁睇相，絕對會以為去左酒店High Tea，點都估唔到原來係間圖書館！！ 點擊圖片放大 下一站會去大阪城，再欣賞的夜櫻，！ ----------------------------------------------- 你肯KEEP住睇, 我肯KEEP住寫! contact me: twentyonestyle@yahoo.com.hk http://twentyonestyle.blogspot.hk http://twentyone.theztyle.com http://www.weshare.hk/twentyone https://blog.ulifestyle.com.hk/blogger/twentyone http://www.beautyexchange.com.hk/blog/twentyone http://blog.she.com/twentyone http://blog.qooza.hk/twentyonestyle http://www.openrice.com/restaurant/userinfo.htm?userid=756192
