宇治從來給我的印象就只是各款綠色抹茶紅豆味甜品，今次為關西之旅首個景點，非常期待！ 搭京阪電車的沿途風景好靚，街上好多櫻花已經盛開，總算放心！ 當日毛毛細雨，天灰灰，但無損心情～一踏出宇治站，單單一間婦科診所同一個巴士站，已經覺得好靚～係佢啦，佢就係我在日本遇到的第一棵櫻花，想到日本人在櫻花樹下等巴士係一個非常幸福的畫面！ 好，旅程要開始啦～簡單的一條宇治川大橋配上櫻花，即刻覺得d意境出晒黎，哈哈！ 好靚的畫面～ 平等院表參道，即商店街，有指示牌去平等院的方向 好多香港遊客，快Ｄ閃～ 例牌都要食返杯綠茶雪糕，這款另加綠茶粉，當然好食！ 世界遺產寺廟平等院，入邊係好有規劃的園林美景！ 點擊圖片放大 +6 垂櫻都開左啦～真係好幸運！ 點擊圖片放大 平等院內除左粉紅色就是綠色～ 點擊圖片放大 從平等院出來，嘩～宇治川的兩岸的櫻花都開得好靚呀！！ 點擊圖片放大 +3 宇治川中間的就是塔之島，間唔中會有船經過 點擊圖片放大 +2 宇治公園 點擊圖片放大 +2 宇治神社 沒有刻意找中村藤吉，隨便看到一間門口有抹茶menu的小店便走進去，一入去似賣抹茶粉同抹茶製成品的專門店多d，唔見有用餐的位置，就同個店員講''drink tea''(加做手勢)，佢反應好愕然，重覆幾次''drink tea''(加做手勢)，佢指住張木凳仔示意我坐低，跟手另一個店員好快手捧住杯茶出黎... 我知佢get錯我意思，就行返出店外指住個日文menu。店員講左幾句再90度鞠躬就示意我上2樓，原來2樓先係用餐區！諗返起覺得好好笑，明明樓上有用餐區，點解佢地會咁樣送杯茶我飲～同時又覺得好窩心，就咁行入舖話想飲茶就請你飲！ 這是我order的set，帶輕微苦味的抹茶加好甜的和菓子，其實係好夾的！ 宇治點去？ 從大阪長堀橋站出發，搭地鐵到北浜站轉京阪電車到宇治站下車。 「八幡市」站好近宇治站，可以安排一天的行程。 ----------------------------------------------- 你肯KEEP住睇, 我肯KEEP住寫! contact me: twentyonestyle@yahoo.com.hk http://twentyonestyle.blogspot.hk http://twentyone.theztyle.com http://www.weshare.hk/twentyone https://blog.ulifestyle.com.hk/blogger/twentyone http://blog.she.com/twentyone http://blog.qooza.hk/twentyonestyle http://www.openrice.com/restaurant/userinfo.htm?userid=756192
