旅行自煮的小提議 出發前準備： 各式調味料（小包裝）可以在日常叫外賣的時候收集到， 好處是不需要買一大樽，又重又怕漏，而且可以慳番一筆買調味料的錢。 -糖 最簡單，買咖啡奶茶的時候常常有一，兩包剩。飛機餐的餐具包裏也有。 - 鹽，黑胡椒 麥當當早晨全餐中經常沒用到，可以收集起來 - 茄汁，芝士粉 Pizza hut 外賣有 - 豉油，wasabi 爭鮮是你的好朋友 -雞汁(旅行裝)/ 濃湯寳 香港supermarket買定 其實有好多都係將平時會扔ge野收好，準備好可以省去旅行很多麻煩。 帶上你的餐具 筷子 最好係金屬的，可以用黎煮野食，特別係煮面，食杯面一流！ - 匙更 - 小刀 方便買生果返酒店食 - 食物盒 可以pack sandwich / snacks 出去食，又可以將食唔曬ge野放入雪櫃(通常hostel都冇保鮮紙) 以上pack埋大概一個食物盒咁大，唔算好佔位。 進階版：(以下係針對特定情況而帶的) 刺身刀 & 砧板 在紐係蘭Lake Pukaki 附近有三文魚刺身 (mount cook salmon)，有一盒盒切好的賣NZD30 500g，但完條未切的大慨係NZD40 1kg 。剛好大小姐一行有7個人，所以就帶埋刺身刀和砧板去。 水煲 去芬蘭，西班牙和俄羅斯都發現hostel/ hotel 的水煲因當地水質問題而有很多水漬。為免喝下千年水漬，去歐洲地區的時候，大小姐都會帶私家水煲。 電公仔面煲 因爲去芬蘭會搭長途火車，想在火車上吃到熱辣辣的晚餐。極光小鎮的酒店也沒有廚房，當地的餐廳也不多，所以帶了電煲，無論reheat 定係煮通粉都好方便。 即食食物 (長旅途當中吃到熟悉的味道會好感動) 唔係每個國家的食物都咁啱食，偶以吃到d comfort food會很感動。而且成包放入熱水reheat 就食得，方便快捷。推介的有： 咖哩雞飯 無印咖哩雞包，有得揀日式咖哩，印度咖哩......一包一人食啱啱。 缺點係餸比較少，太興的咖哩罐頭就相對足料，拉環設計，唔洗帶罐頭刀。 加埋韓國即食飯，就是一個完整的晚餐la。在零下十幾度等極光的晚上，這就是幸福~ 午餐肉，公仔面 香港人ge comfort food，你明ge! 乾糧 - 米 在西方國家買到的米總是怪怪的，帶上一兩餐的份量，就不用餐餐食意粉。而且去旅行不幸水土不服，煲一窩粥可是為腸胃帶黎極大的安慰。 乾烏冬/面條 去Lake tekapo 時，附近的supermarket 好細，所以帶了乾糧。如果去town 不用帶。 通常會煮d咩？ 1.選擇當地盛產的食材，直接煎/炒 e.g. 紐西蘭的牛扒，買返去直接煎黎食，超juicy。 芬蘭就當然係煙三文魚la，早餐整個煙三文魚炒蛋，酒店早餐都係差唔多。 西班牙jamon，當地食夠本先返香港。 俄羅斯最深刻係磨菇，切片後用牛油炒，秘訣是加少少糖，調返個甜味出黎，好食到停唔到口。 2.善用hostel的焗爐，怕污糟可以買錫紙，放入去較好時間等食。 Pizza Supermarket 買pizza返去焗，跟住包裝指使包掂！ 照燒汁焗雞脾 買包照燒汁，醃一個鐘，預熱焗爐後200度焗20分鐘，反面焗多10- 15 分鐘。 3.通粉，意粉，寬條面 Supermarket通常有一罐罐意粉醬，番茄/腸仔/火腿/雞粒 任揀一兩樣加入去，味道有保證！ 進階版：(適合去旅行prefer食中菜的人，推介一些不用很多調味料的菜式) 青瓜炒雞肉 番茄炒蛋 買一支茄汁用成個trip，又可以用黎煮意粉。 蒸水蛋 通常用隻碟帶替蒸架 蝦米炒椰菜 帶幾粒蝦米，一大個椰菜夠食幾餐。
