尋晚掛住睇極光好晏先訓，今朝起身差d趕唔切食早餐。行去酒店餐廳，好彩坐到窗口湖邊位。早餐係自助形式，可能大小姐訓得太晏，每樣食物都係凍的，還好款式頗多，仲有少見的桔仔食。 食飽行過隔離visitinari，準備參加culture tour。(大小姐所有活動都係去到inari先book，好彩仲有位)教練Micheal話出面得-15度，所以要我地加著喺龍蝦裝(連身的雪褸雪褲)，仲有其他裝備(頭盔，靴...)，著完都出曬大汗，要走出去抖涼。 我地個tour係包snow mobile，不過揸snow mobile係要有國際車牌，所以我地就坐喺sled，由教練架snow mobile拉住。坐sled其實好嘆，唔洗背住個袋，有擋風玻璃擋住-17度的冷風，隻腳又有毛氈冚唔洗凍到震，最重要係，sled連住教練架snow mobile，唔會勁chok。其他人揸snow mobile係兩人一架，開始ge時候教練做少少briefing，同行團友都好快上手，正式在Lake Inari 上奔馳lu。 沿路的雪景好靚，坐坐下開始落雪。坐咗大概30分鐘到，就會喺小木屋前面停低，已經凍到手腳變冰條。好在入到小木屋，教練會點著個爐，係傳統砍柴，一條條木燒果款暖爐ar！通常住hostel都已經轉曬做電暖爐，起好爐之後就可以喺個爐到BBQ。 小木屋果邊有toilet，但團友話入面冇暖氣，除咗件連身雪褸好凍，所以大小姐都係唔去lu。食完個簡單lunch，就上返車繼續出發去教堂。途中會穿過個森林，有d樹枝會打到落個頭盔到，所以記得拉好個面罩，保護好自己。 去到教堂，教練話當年全條村都燒曬，因為教堂係村較為遠ge地方，所以得以保存。之後就冇乜點再聽，因為吹咗成朝風，吸入大量又凍又乾ge空氣，大小姐開始流鼻血。教練見到之後用紙巾包住一堆雪，叫大小姐放喺個鼻到。果一刻不禁懷疑，會唔會太凍甩咗個鼻ga?!要知道當時户外係。-17℃！！死就死la，將堆雪敷喺個鼻到ge時候，只有一個感覺--好凍ar…幾分鐘後，真係止咗血wo。本來諗住呢個方法只係“急凍”咗鼻，去到室內有暖氣ge地方會再流過，之前果幾日已經試咗好多次，點知真係work，果日都冇再流過鼻血！ 之後下晝就去咗滑雪，係人生第一次。Cross country ski其實即係喺條路到滑，玩到成身汗，記得唔好喺雪褸入面著太多衫。 夜晚又係守候極光的時間，不過有雲同埋月亮太光，咩都冇。仲買咗杯好酸ge Lemon sorbe，千祈唔好買！執好行李聽日返Helsinki！
