第二朝一早起身，炮製了超好食的煙三文魚炒蛋，室友有福了。 然後在民宿的附近走走，捕捉pokemon。但還未適應寒冷的天氣，所以又行咗入mcdonald飲野，芬蘭連mcdonald隻杯都靚d。 這間民宿很方便，距離地鐵只有一分鐘路程。附近有多間supermarket，樓下果間仲要係24小時營業。在supermarket發現了新奇的麵包，完全唔會估到個餡咩黎。 細心睇，一粒粒果d其實係飯黎。 將行李寄返喺火車站，就開始Helsinki的觀光之旅。Helsinki主要的景點都比較集中，以步行的方式除咗慳到車錢，路上也常常遇到精彩的街頭表演。附上今日的路線圖： Kamppi chapel of silence 呢個chapel雖然好細，但一d都唔覺得好壓逼，簡約的設計令人的心可以安靜落黎，好好地思考同祈禱。 點擊圖片放大 +2 出去之後，見到路邊有小孩在報佳音。雖然佢地得3個人，但每一個都唱得很投入，仲有和音，超有聖誕氣氛。之後行街都見到有好多小孩三五成群地報佳音(or賣藝?!)，大概係佢地賺零用錢的好方法。 Forum 沿著Chapel of Silence旁邊的路行，就會去到Forum呢個shopping mall。要好好地在地圖mark低佢，因為呢到有Moomin Shop，可以大手購入moomin mug。 除止之外，最重要的是有免費又乾淨的toilet。芬蘭大部份的public toilet都要收1Eur，偶然有免費的卻是“香氣四溢”。 接下來要介紹買明信片的好地方。因為夜晚會搭北極快車去Rovaniemi，漫漫長夜除了瞓，當然係寫明信片ge好時機，明天仲可以拎埋去聖誕老人村寄，諗返都覺得自己plan得好好。但一般的手信店只有十多款的，款式比較大眾化，多數是極光相。 Academic Bookstore Starbucks 極光杯是芬蘭的熱門手信。而呢間書店就在starbucks旁邊，可算係誤打誤撞找到好地方。書店有兩層，地下全層放滿了幾百款各式名樣的名信片/聖誕卡，價錢大概是0.9Eur - 2 Eur。 推介Finnish Nightmares系列，每張卡都以comic的方式講芬蘭人感到尷尬/惡夢的moment。例如有一張係講芬蘭人會在Christmas的時候食rice porrige，一種好似麥皮的東西，mama會在煮的時候加一粒杏仁，當晚食到杏仁的就會在未來一年有好運。結果主角就算食咗兩碗，都食唔到杏仁。有興趣可以上Twitter / Instagram睇更多Matti的作品。 二樓的精品也很有驚喜，有劫盜地圖造型的notebook，北極光砌圖，偽文青的銀包有難了。 Esplanadi 本身只係想穿過呢個公園去Christmas Market，估唔到公園的燈飾極靚，沒有大街的廣告招牌，夜晚靜靜地在公園散步好有feel呢。 點擊圖片放大 Market Square 穿過公園後行到今次旅程的第一個Christmas Market。呢個喺海邊的Christmas真係又大風又凍，日落ge時候黎行會好d，大概有20-30個攤位，大小姐最後買了一個原木杯，16eur，比喺其他地方買平10幾蚊歐羅，帶去露營真係好正。 Senate Square 轉入內街，行去Senate Square，係個大型的Christmas Market！係大小姐喺Helsinki最期待ge一站。嗰衝入去掃貨之前，建議先走上後面的Helsinki Cathedral(俗稱：白教堂），喺上面可以睇曬成個Christmas Market全景，夜晚加埋d燈光好有氣氛。 喺Christmas Market入面試了Christmas Drink。係杯熱的berry juice，有些店會加入香料，在寒冷天氣下，酸酸甜甜又warm，超幸福。 黎到芬蘭，點可以少得煙三文魚。Market入面有半條已真空包裝的煙三文魚賣，已經切好一片片的會比較貴，而且保存期限較短。 還有手工糖果，有不同口味，大小姐偏好朱古力和夏威夷果仁，可以請老闆幫你切成細細粒。但切記返到香港要放返入雪櫃，如果唔係會融埋一大嚿。 搭上北極快車，揾聖老人去 Book咗夜晚9點幾火車，第二日大概10點到Rovaniemi。第一次搭長途火車，book咗舒適的slepping compartment連獨立toilet。 Offical Site (最多可以早60日訂飛，越早訂，價錢越平): https://www.vr.fi/cs/vr/en/frontpage 訂飛教學 : https://www.backpackers.com.tw/forum/showthread.php?t=1598941 同香港的火車不同，直接拎住行李上車就得，冇閘，也不用兌換車票，拎住book車票果張QR code上車就得。不過車站係露天的，記得著住件雪褸上車。 Comoartment喺上層，條樓梯好窄，勉強可以搬到一個26”喼，再大d可能轉唔到彎，而且只容得下一個人搬，所以個喼不能太重。房卡就直接放在房門外，入面有2張單人床，床鋪已鋪好，房頭位有socket位。但間房好窄，推埋個喼入去之後已經冇乜可以走動ge空間，所以我地預先pack好夜晚要用ge野放喺背襄，咁就唔洗開喼。 個toilet絕對係劏房設計，入去係toilet，要沖涼ge時候就要將入面果扇"門"打開，成為一個沖涼房。不得不提，d熱水每次只會供應1分鐘，之後要再㩒出水製先有，但長㩒係冇用的，熱水係會即刻停。 近窗口位仲有一張枱仔，大小姐就係喺果到寫明信片ga la，窗外風景仲好靚tim。 架車搖下搖下真係幾好訓，但半夜肚餓ge時候唔想行凍冰冰的走廊去餐車可以點算?! 今次旅行大小姐自己帶咗個電ge煮公仔麵煲，haha，煲滾d水沖杯麵，絕對係人生一大享受。 第二朝，可以到餐車領一杯rice porrige做早餐，但相信我，係唔夠飽的，記得買定d早餐上車。
