昨日有幸出席樹記一個活動 - 烹飪活動。 由 Winnie (樹記掌舵人) 分享樹記歷史、腐竹製法及食譜、產品介紹。 點擊圖片放大 +5 唔講唔知, 原本佢地除左常見既杯裝腐竹味雪糕, 仲推出左腐竹雪條, 分別有朱古力脆皮同抹茶脆皮, 脆皮包住香滑味濃既腐竹雪糕。雪糕味道清甜而有濃郁腐竹香。好開心有機會試食, 我選擇左朱古力脆皮。Winnie話全人手製造, 每日只做150 支, 賣晒就冇, 想食要快手。真係屬於本土風味。勁! 點擊圖片放大 食完雪條好滿足, Winnie 仲為我地邀請左靚靚老師黎個烹飪示範, 整兩味菜色, 1.) 腐竹煙肉豆乳味噌湯 2.) 豆皮蛋卷 老師覺得在場學生好醒目, 於是示範較難菜色, 豆皮蛋卷, 先示範, 之後輪到我地挑戰自己手藝實地做一次。先用筷子發勻雞蛋, 蛋汁要分 3 次落鑊做蛋皮, 第一次落鑊, 搖鑊令蛋皮成圓形 , 再放上鮮腐竹, 慢慢煎好, 開始熟離鑊, 就可以反蛋皮, 直至包住鮮腐竹, 再慢動作卷呀卷, 否則蛋皮會裂開 .......... 不過裂開都可以補救, 因為仲有兩次機會落蛋汁, 再卷呀卷。煎好卷蛋, 就放上入竹蓆, 卷好用橡筋扎好。等待定形。第一味菜完。真係睇易, 做就難 >.< 點擊圖片放大 +7 第二味菜, 豆乳味噌湯, 好多材料, 有煙肉、紅蘿白、南瓜、菇、味噌醬, 重點兼主角當然係豆乳同鮮腐竹。先爆香煙肉, 炒一陣, 落紅蘿白、南瓜、鮮腐竹, 煮林身, 就加豆乳, 味噌醬,, 拌勻。待滾起就收火。可以上碗。 點擊圖片放大 +5 老師作品 我作品 今次活動令我認識樹記, 了解左腐竹可以變化為一 D 新菜色, 打破傳統局限, 跳出古舊框框! 玩左一個下晝, 學到好多, 謝謝搞手 Rebecca 同 Winnie愛心既安排。 真係獲益良多。
