呢間餐廳，一嚟到，就有免費嘅薄脆，類似bread basket咁，但係就特別啲。 海鮮濃湯（$88）［好味度：7/10］ 海鮮濃湯真係好足料，入面有唔同嘅海鮮，包括蜆，蝦，一大塊魚肉同埋好多嘅蟹肉。 一碗湯入面有齊曬咁多種海鮮，真係好滿足。 而湯嘅味道就有啲似龍蝦湯，好濃郁。 皇牌威靈頓牛柳（$298）［好味度：7/10］ 呢度菜咁出名，相信大家都唔陌生，不過價錢通常就比較貴。 呢度定價就比較親民啲啦。 酥皮入面一切開，就係見到厚身嘅牛柳。 酥皮充滿牛油香，而又唔厚。 酥皮同埋牛柳之間夾住啲蘑菇，而牛柳就好多肉汁，肉味豐富。 配菜嘅薯菜都有心機，係蕃茄雜菜，比較健康。 心太軟配雪糕（$68）［好味度：6.5/10］ 一餐完滿嘅晚飯點可以少得甜品。 心太軟一切開，入面即刻有流心。 朱古力醬充滿濃郁嘅朱古力味，而外層嘅蛋糕都好重朱古力味。 配上綠茶味的雪糕的，中和返甜度，確係唔錯。 餐廳ig: @minifridayhk Mini Friday（旺角店） 其他評分 食物外觀（5/5） 性價比（4/5） 環境（4/5） 服務（3.5/5） #旺角 :西洋菜南街2號銀城廣場9樓 #觀塘 :興業街4號The Wave 3樓
