由公寓開車去坎培拉要3小時40分，所以大家早上7點就起身，食早餐出發。其實我唔係好想去坎培拉，一來開一日車，感覺上好浪費時間，二來又冇咩地方好去？不過3位團友都想去首都睇下，開下眼界？咁冇計啦，唯有開車去啦！ 第一站係去澳大利亞戰爭紀念館(Australian War Memorial) 如果要仔細咁睇，我相信要睇足一日，好在這個館係唔使入場費，睇完跟著在這裡cafe食午餐。 其實外國人沖咖啡係有一手，可惜我冇影到相，杯 Cappuccino 好飲到不得了。 食過午餐去 Commonwealth Park Playground 睇水柱，可惜去到問幾時噴水柱時，職員話維修中，So sad....., 跟著去隔離既 國家首都展覽館(National Capital Exhibition)參觀！ 館內有好多介紹坎培拉旅游資料，如果想去坎培拉遊覽的朋友，第一站可以去呢個展覽館取資料。 最後到澳大利亞國會(Parliament House) 參觀，去到剛好3點半有導賞團，又係免費參加！ 導賞團完咗都差不多4點半，好在呢個停車場係免費2小時泊車。由於澳洲5點半天就黑齊，我亦都第一次在沒街燈下，在高速開車返去悉尼，我發覺，佢既車道係比香港窄少少，係窄路多，闊路少。 由於天氣得8度，所以都係食烤肉來暖暖身，之前漏咗講，呢間係用炭爐烤肉，唔係用gas，燒出來既肉係好食好多！ 由於開咗差不多8小時車，所以沖涼後都入房即睡著了。 P.S. 去一去坎培拉，大約用咗AUD60元油錢。
