好耐冇寫Blog,自從Yahoo摺咗個blog後,我都冇去完旅行寫blog,今次再寫,係希望紀錄及分享我今次到悉尼的自駕遊經驗!今次出發日期由25-31號5月2019年,6日5夜,我是第一次機零晨機,諗住可以好好睡一覺,點知係唔得既,飛機上跟本就睡得唔好!影響咗第一日的行程! 去到悉尼機場,入境後,當然要去租車公司取車啦!今次租租車,是中國人經營,所以溝通沒問題,不過一定要租日本車,外國車始終不及日本車好,呢架車起步慢及不慳油! 由於未到公寓入住時間,所以我們先到 Fish Market 午餐,開頭都好擔心 Google Map 會唔會帶我到停車場,原來當你開車差不多到目的地,都會有指示牌話你知邊道有停車場? 由於當天是星期日,要等位泊車!to bad..... 唔職叫,所以食唔到好嘢,睇見人地大大盤咁食,後來先知,原來有套餐叫的! 今次是我第一次租公寓,不住酒店,公寓設備比酒店多好多,而且又可以自己煮嘢食及洗衫,實在好到不得了!最重要一點,比酒店平好多! 大家見到間公寓咁正,竟然太太仔仔們+朋友個女,都去午睡補眠,白白浪費了一個下午,原來澳洲的秋天,5點半就已經天黑了,咁所以大家只好行夜街,雖然好多景點都關了門,但購物商場都比較夜關門,咁都可以去睇下紀念品。 由於我住在達令港附近(Darling Harbour),所以冇開車出去,而且在市區,唔可以隨便周圍泊車。 晚餐好後悔去咗 Darling Harbour 個 Food Court 食晚飯,價錢唔平,早知就比多少少錢出去餐廳食!食完睇多一陣夜景就回公寓休息。 第二天 去之前在香港買定 4 Attraction Pass AUD 70 , 一口氣睇咗三個館(Sea Life Sydney Aquarium, Wild Life Sydney Zoo, Madame Tussauds Sydney),其實三個館都係同一個入口,只不過你睇完一個,要從入口入另一個館,因為我們個個都是成年人,所以都是走馬看花,下午大約一點就去食午餐了。 家庭餐,好抵食,在 Sea Life Sydney Aquarium 出口的餐廳,大約34澳元。跟著下午諗住去 The Sydney Tower Eye, 點知天陰有雨,結果取消行程,改去購物Shopping. Queen Victoria Building, 雖然有過百年歷史,但仍然值得去一看。 海德公園隔離的聖母主教座堂(St Mary's Cathedral) 行到累啦,坐低食杯雪糕先,當時氣溫只有12度,但這個牌子的雪糕,最平又好食!(Gelato Messina The Star) 點擊圖片放大 我知道阿仔對 Shopping 冇興趣,咁我就叫咗佢自己去咗雪梨博物館(Museum of Sydney)參觀。 行完街街,就開車去好市圍市,我前上司介紹,話一定要去澳洲食牛肉,但係佢只係話比我知,間韓式烤肉在好市圍市,結果去到好市圍市果一間冇開門,好在我再由 Google Map 搜尋 BBQ Buffet, 又比我找到這間 附近有停車場,39澳元任食靚牛肉,店員又頻頻幫你換烤爐,去到差不多晚上8點,收10點,我以為我地係最遲一枱客,8點20分重有2枱客人入坐,咁就証明呢間食店掂啦,我諗我有排都唔會在香港食韓烤了! 食完又返公寓休息,好好儲夠體力,繼續第二日的行程。