我記得我上一次去戲院睇戲係差唔多半年前既事，對上個套冇記錯係《天煞逆緣》，仲記得套戲個結尾真係～～世界大同啊xdd扯遠啦：p 講返正題，今次我去睇既戲係《被偷走的那五年》，最初我同個fd揀呢套戲黎睇既時候係以為係走推理（懸疑？）愛情路線既，點知睇完俾我個感覺係……愛情片黎既：ｐ 不過我地去睇個場都幾乎滿座呀。套戲其實係唔錯架，只係我覺得兩個鍾有ｄ限制左套戲既完整性。上半part情節輕鬆得黎吸引人，不過到下半part開始就有種趕收工既感覺，d情節跳下跳下咁就完…感覺最長最前後呼應個幕就係重新求婚個part。有唔少情節上半part有講到，下半part唔係兩三句帶過就係冇講。 仲有就係最吸引我地睇呢套戲既原因──點解會離婚？呢五年發生左d咩事？呢兩個答案到揭曉時才發現,原來係再現實不過既答案。個刻係幾失落架，但之後再細想其實這正正是人生（笑），不是嗎？總體黎講，我係真係覺得ｏｋ架，可能我要求唔高啦 :p 然後我地睇完戲就去行商場，行下行下就行左去商務睇書>v<之後發現原來有出同名小說！0.0咁我見我有書券就買左返屋企睇，宜家睇左頭十幾頁，兩樣對比上黎…書好似吸引d，人物塑造多面d。（我會後補書既靚相-v-） 順帶一提，個日下晝咁啱康怡搞緊宣傳日本關西既活動，見有歌聽就去湊熱鬧，然後先知原來哥哥（張國榮）首愛火原曲係悲ウゆ色ビゼ──上田正樹，我真孤陋寡聞啊~ 最後既然後，套戲既主題曲──悄悄告訴你（范范范瑋琪唱的）我不停循環聽xdd http://www.youtube.com/watch?v=nfgBm4bSHnE
