最近起身落床嘅時候，右手同右腳都有麻痺嘅感覺，就係坐得耐再起身個種感覺，但持續嘅時間又會長啲。諗起早幾年睇過跌打，都係治標不治本，宜家痛返都幾擔心，所以想搵中醫嘅正骨復位搞搞佢 ! 聽人講正骨復位好work，我都係半信半疑，加上都擔心俾人sell，唔知點揀好……問咗身邊幾個朋友都推薦咗一兩間佢哋做過嘅復位，重點真係解決咗佢哋嘅問題！最後因為對Inlife有啲印象，又有朋友推薦，所以就決定去試下Inlife係咪黑店！(可能最近講得多，碌到好多廣告哈哈） 本身係港島區返工，所以預約咗銅鑼灣店，上到去成個感覺係幾舒服，呢個位好中我，地方好窄或者好亂咁，我唔會想去下一次。前台就有個牌寫住當值嘅中醫同編號，證明真係註冊中醫，因為聽朋友講啲伏位，有黑店係扮有中醫嘅，所有都會特別注意呢啲位。 咁我就同佢哋嘅中醫講我最近右手同右腳都麻痺，好擔心係好嚴重嘅問題，佢就同我做咗一個詳細嘅痛症檢查，同埋都有講中我有啲唔好嘅習慣，例如係坐姿唔正確，鐘意翹腳呢啲問題，都有機會導致到我腰椎同盤骨移位嘅。 然後就係舒緩我比較痛嘅位置，成個過程原來唔會好痛(成日見啲廣告都係啪啪啪，好似好痛咁!)我係即刻feel到鬆咗 ! 之前聽人講過復位個感覺我都唔信，原來個感覺都幾神奇，自己點拉筋都唔會做到，而且都好細心同我解釋每個步驟係點做，起碼我知道邊啲位比較差，之後可以點做，唔會話做完就真係完，再痛先算個種。 戲肉嚟啦～做完都有叫我入房了解下我想唔想買package，其實都有心理準備會sell嘅，但Inlife係咪黑店我又覺得唔係，Inlife中醫正骨復位係好專業，亦都有解決到我嘅問題。我想買package就會買，唔會有心理負擔，所以我就話想考慮下先，如果有興趣會再上嚟買。咁都有問我考慮咩嘅，但佢哋都無再sell我，都無出面嘅人講到好黑店，唔買唔俾走。 俾錢個陣見到有人嚟做小顏術，先知道Inlife有得做小顏術同美人針，最近睇得多小顏術嘅廣告同blogger做完效果好得，心郁郁想試下，問朋友先知原來好多人做小顏術同美人針，係我孤陋寡聞哈哈哈~下次再book小顏術睇下可唔可以拯救我嘅包包面 !
