今 次 介 紹 嘅 唔 係 尊 豪 位 同 商 務 艙，亦 唔 係 機 場 貴 賓 室 ， 而 係 T 米 聖 誕 節 時 入 住 過 嘅 一 間 酒 店 。 呢 間 酒 店 對 於 港 人 好 似 好 陌 生 ， 但 其 實 又 似 曾 相 識 。 答 案 就 係 香 港 老 牌 企 業 鷹 君 集 團 旗 下 既 「 朗 廷 酒 店 集 團 」 ， 其 實 大 家 平 日 經 過 既 尖 沙 咀 、 旺 角 其 實 都 有 佢 地 既 蹤 影 。 寬敞房間 飽覽鬧市景色 T米今次入住既朗廷會瑰麗客房已經係最高等級既客房（再上一級就係套房），但其面積都已經拍得上部分舊式酒店既套房。除左靠窗設有沙發外，酒店更特別於浴室及靠房門位置劃出開放式客廳同衣帽間，其中衣帽間更設有特別機關，設想非常周到。而當日T米再多攞兩支礦泉水時，房務員到達房間後更小心翼翼、非常有儀態將礦泉水一瓶一瓶放在桌面上，可見其服務及管家培訓非常認真。 T米入住既朗廷會瑰麗客房設有沙發區域同開放式客廳，落地玻璃能飽覽深南大道景色。 擺脫一般商務酒店洗手間細小既通病，瑰麗客房內浴室非常寬敞，面積足有一般酒店既普通客房之大，更設有雙洗手盤設計，兩夫妻一個梳洗一個沐浴亦絲毫不感尷尬。 走進浴室一樣令人喜出望外，大型方形浴缸設於落地玻璃旁，一邊沐浴一邊欣賞街景，抑或觀看電視節目亦非常愜意。 浴室旁邊居然設置左連星級酒店都買少見少既衣帽間，更加設有獨立機關，可供房務員收取同直接放置已經洗燙好既衣物，再由住客隨時領取，免卻麻煩都不必要既滋擾之外又可以提升住客私隱，設計非常周到。但當日房務員收取T米要燙既外套時都係直接走進房間，可能係怕住客唔識操作呢個特別機關。 酒店隨處可見仿花崗石既英式柱躉，連香港朗廷酒店設有既弧形長廊樓梯都一樣於深圳予以保留，仿如一再帶人走進歐式歷史建築之中。 風靡全球英式下午茶 行政住客免費享用 源自倫敦既朗廷酒店，一直都以其獨有既英式下午茶而聞名，更令唔少人因此而慕名而來；而若要於西餐廳「廷廊」品嘗呢款索價達港幣500大元既afternoon tea set更要預先預約，否則直接walk in好多時都唔會有位，可見其受歡迎程度之高！ 而作為「朗廷會」既住客，除左可以於專屬酒廊內免費享用呢款為人趨之若鶩既afternoon tea 外，各款英式甜品、鹹點更大方地可隨意添加，此等奢華待遇亦實在令人太感賓至如歸了！ 各款英式甜品、鹹點不但可隨意添加，擺設更別具心思，配上一杯英式紅茶，再飽覽深南大道既繁忙景色，就此度過一個優閒下午，非常愜意。 行政住客盡享經典奢華 T米當時特別預訂行政房間「朗廷會瑰麗客房」，皆因單看其網站圖片已經被其行政酒廊吸引。而酒店特別將其行政酒廊起名為「朗廷會」，意味酒店既對象唔只係一般酒店所target既商務旅客，更係一群追求舒適住宿及度假享受既高端家庭。 兩層複式設計既朗廷會會所為酒店既一大特色之一，英式裝修佈置、原木傢俱加上書架上書籍擺設，簡直仿如置身於自己既私人客廳之中，入夜後更調暗燈光，非常有意境。 貴賓會員 待遇盡顯 T米本身係朗廷酒店會員計畫「1865」既會員，雖然新既會員package未能及時送到，但辦理入住時，即使未有新會員卡，服務員翻查會員編號後就能識別T米係最高等級既「Voyager」會員，更隨即詢問T米想要邊一款Welcome gift，如此服務實在非常到位，更加肯定香港鷹君集團下既管理絕對係信心保證之一。 T米晚上返回房間後赫然發現沙發前擺放了evian、perrier、紅酒同巧克力，看到此情此景，深感太突然了！於是立刻致電房務員，得知桌上所有都係酒店對Voyager會員既禮物，聖誕節得到如此禮遇驚喜之餘亦有少少受寵若驚！ 硬件、軟件服務到位兼備 雖然已經開業兩年，但酒店在各方面，不論硬件或服務方面都達到無可挑剔既水平呢！唯一要吹毛求疵係晚上隔離套房住客與其朋友徹夜玩啤牌，歡呼聲此起彼落實在令人無奈，但始終都係聖誕節，普天同慶既日子少少聲音，算啦！下次再黎一次周末小假期，深圳朗廷絕對會係T米再度既選擇。
