韓國依家天氣咁凍，梗係想食返啲野暖下身，呢個時候打邊爐一定係最佳選擇。 但係大家都知道韓國好多時去餐廳最少都二人份以上，一個人快閃嚟韓國又想食打邊爐暖下身再血拼過嘅話，下面介紹呢間「味松松麪家(맛송송면집)」就最啱你。 入到去係一格格隔開既，保持適當私隱度。 同朋友嚟嘅，亦都可以揀坐闊落啲嘅位。 重點嚟啦，餐牌有韓英對照，分別係「一人餐(1 인set)」同「二人餐(2 인set)」 一人餐 SET A 有銀魚湯底+血腸+一杯野飲總共7500 won (~$55) 唔想打邊爐既六可以揀SET B嘅餐蛋炒飯，同樣包血腸同一杯嘢飯，總共7000 won (~$50) 呢個價錢依家喺香港都食唔到，而且韓國好少有餐包嘢飲，絕對超值。 兩個人嘅話可以揀下面嘅2人餐，選揀更多，價錢大約 15, 500 won~16, 500 won (~$112 左右） PS:如果唔想跟SET嗌，亦都可以分開，單啦嗌都無問題架（套餐包嘅血腸相信好多香港人都唔多食得慣）。 講到咁抵，實際係點先緊要嘛。 點擊圖片放大 +2 餐廳裏面有中文教你點食法，唔洗擔心唔知點整啦。 味松松麪家點去？ 地鐵弘大站（홍대입구역)9號出口一出左手面建築物就係啦。 地址：서울시 마포구 양화로 156 1층 109호/ 首爾 麻浦區 楊花路 156 1樓 109號 電話:02-332-1101 營業時間:11:30-22:30 資料來源：Naver Blog 까까잼
