登!! 登!! 登!! 登!! 又到左一星期既天氣報告時間啦!! 唔知有無人期待住呢哈哈哈(ﾟ▽ﾟ*)♪ 今個星期既天氣都算好好，好多日都會有陽光！而且氣溫都唔算好高，不竟都已經到秋天~ 日夜溫差都仲係差好多，雖然最高會上到差唔多30度，不過因為有風，所以其實都幾舒服! 不過星期六有幾陣雨，之後又應該會再涼一d，希望日夜溫差可以快d變少d (￣ー￣〃) 順帶一提，今個星期六(2017.09.30)係一年一度既首爾國際煙火節!!!!!! (｡♥‿♥｡) (圖片來源：韓國觀光公社) 有興趣既朋友可以去睇下，不過真係好多人，大家都坐係草地上睇煙花 (●▽●) 旁邊仲會有好多賣野食既小檔攤，可以感受下都韓國既本土風味 ( ´ ▽ ` )ﾉ 不過除左人多要注意之外，天氣都係一個要留意既問題，天氣報告講個日可能會落下雨， 所以如果個日係會去既朋友仔，就要做好準備，除左帶定姐之外，要多帶件厚d既外套！ 因為夜晚會好凍，記得小編第一次去睇個陣，因為著唔夠衫，結果睇完第2日就病左 -___- P.S. 下星期就係中秋節，韓國既大節日，加埋d咩開天節、韓文節等等， 韓國總會有成10日假期，由9月30日放到10月9日，嘩哈哈哈哈哈哈哈哈 ψ(｀∇´)ψ 所以到韓國每週天氣報告將會暫停一星期 嘻嘻 (●′ω`●)
