雖然小編黎左韓國只有短短既2年，但已經完全能夠感受到韓國人係有幾咁鍾意食烤肉！！ 無論係邊到都好，都隨時發現到有一間烤肉店係身邊！就好似香港張7-11 Σ( ° △ °|||) 所以經過呢2年既生活，小編都已經進化到成為一隻食肉獸啦，真係無肉不歡呀 ƪ(♥ﻬ♥)ʃ 今次為大家介紹既就係係弘大既Ginger Pig啦! 弘大9號出口一出直行行5分鐘左右就到~ Ginger Pig吸引到我既第一個原因就係佢個門口啦！！！個人覺得設計得好有特色ヾ(･∀･) 而且就咁睇個佢個門口(唔理佢d字)真係估唔到係一間烤肉店，好有驚喜呀 (*∀*)/ 入到去就同其他烤肉店大同小異啦，不過感覺上就比較乾淨dd (￣ˇ￣) 第二個吸引到我既地方就梗係佢地既主打—豬肉啦 (*≧∪≦) Ginger Pig既豬肉並唔係生豬肉，而係已經通過特殊工藝醃製熟左8日，熟左一半 (´▽`)ﾉ 睇返佢地個介紹，原來預先醃製8日既話，d肉咬起黎會更軟綿綿，而且d肉汁亦會更多更濃 就係就咁睇同聽都流曬口水呀，好期待會有幾好味 (｡♥‿♥｡) 價錢上黎講比一般烤肉店貴左d，不過都係平過係香港食，同埋同類型既烤肉店唔多~~~~ 小編我就點左五花肉呢個 ψ(♥∇♥)ψ 同好多韓式烤肉店都係一樣，蔬菜配菜個d都係自助形式( ´ ▽ ` )ﾉ 拎拎下配菜，我親愛既五花肉先生就到左啦 (♥ω♥ ) ~♪ 就即刻放佢地上烤烤烤~~~ 雖然佢地已經熟有d熟熟地，但放上去燒都仲係有d"滋滋"聲架 點擊圖片放大 見到d五花肉慢慢變成金黃色，仲聞到陣陣既肉香 (￣▽￣) 仲記唔記得小編講過d泡菜要烤下佢先食嗎？真係試過一次之後就每次食都會烤差下！！！ 唔知係咪心理作用，知道佢地係點整之後就覺得特別好食 (●♡∀♡) 等我介紹一下韓國人既食法啦！ 就係一塊烤過既泡菜一舊好多肉汁既肉同埋一d蔬菜(韭菜) 係韓國食烤肉，唔好覺得食完就已經完左可以埋單，因為係韓國人心目中烤肉只係個開始！ 食完肉之後，佢地一定會炒返個飯，將鐵板上張肉汁一滴不漏咁食落自己個肚到 (●´∪｀) 當你食埋個炒飯之後，你唔好終於可以埋單，因地佢地會再嗌多個冷面 (･_･)||| 呢個冷面就唔係一般既冷面，份量會少d，睇落無咁heavy，自我安慰中...... (￣▽￣) 不過烤肉同冷面又真係幾夾既，一冷一熱咁 (●′ω`●) 聽完小編介紹完韓國人既食法之後咪嚇到個心肝仔離一離呢？哈哈 (-∀-) 所以小編都有時諗韓國人係有幾多個胃既呢 (●﹏●) 不過唔洗驚，因為小編到依家都未可以一次過挑戰曬呢3關哈哈哈哈哈哈哈ヾ(^▽^ヾ) 另外，餐廳除左有得食烤肉之外，仲有一個個餐個d可以嗌，不過都會係豬肉，例如：豬排 呢間餐廳既地理環境真係容易找到，所以建議如果本去開弘大個邊，可以去試下 (●´∀｀●) 地址：首爾特別市麻浦區西橋洞楊花路128號 營業時間：星期一至日 11:30 am~11:00 pm 電話:02-326-3392
