前幾日睇三時三餐見到韓志旼整個個海鮮湯，材料真係超級豐富!!!! (又雞又蟹又八爪魚仲有鮑魚 ) (圖片來源:tvN) 話說小編係首爾除左係往十里貝殼倉庫同路鷺梁津水產市場之外，都無乜點食過海鮮ㅠㅠ 真係邊睇邊流口水……所以就即刻上網睇下邊到有得食順便同大家開心share (´౪`) 就係!!! 係弘大既!!! 海族 (해족)啦!!! (掌聲) 海族 (해족)唔係係弘大主術個邊，所以無咁多人，行起黎條路都闊d舒服d (╹◡╹) 而且佢地用既海鮮都係自己養既，仲係即叫即整，真係超級超級超級新鮮╮(╯▽╰)╭ 一黎佢地就會用雞湯煮巨型八爪魚 (大過我個拳頭!!!!) 除左好味個可以用黎呃like添哈哈哈哈哈 ●▽● 之後就會係上面慢慢加上唔同既海鮮同菜，最後仲會加埋肉類，真係一層比一層吸引!!!! 咁多材料，你叫個湯點可以唔鮮甜(｡♥‿♥｡) 食完呢d鍋之後，韓國人都鍾意加飯黎整粥，或者係加刀削面!! 韓國人個胃真係一個黑洞!!! 不過成個鍋既精華就係個湯，如果係我都會飽死都照食哈哈哈哈哈哈哈哈哈哈 講到價錢方面就一分錢一分價啦哈哈哈，不過其實叫個細既已經夠3-4個人食!! 皇帝海鮮鍋(황제해신탕) 小: KRW 70,000 中: KRW 90,000 大: KRW 110,000 另外，餐廳入面都有其他價錢中等唔同既海鮮選擇，真係花多眼亂 (*￣∇￣*) 海族 (해족) 地址：서울특별시 마포구 동교로27길 22 電話：02-335-7454 營業時間：平日 11:00~02:00 / 週末及公眾假期16:00~02:00 來源: Naver Blog - Good
