韓國旅行時, 例牌都有烤肉、蔘雞湯、拌飯、炒年糕等 大家有冇諗過食韓國自助餐? 香港食自助餐地方多的是, 可能您會覺得冇咩必要係韓國食自助餐 以下想介紹兩間位於弘大ge自助餐廳 兩間都係家庭式餐廳, 韓國人圈中有一定人氣, 價錢絕對超值 第一間﹕自然別曲 자연별곡 (韓式) 收費﹕平日午餐 12900won / 平日晚餐 及 週未 19900won 位於弘大1號出口, BUTTER、 SHOOPEN同一棟3樓 自然別曲價錢牌 自然別曲屬於韓式自助餐, 所有食物都係韓國料理 由街頭小食炒年糕炸物到甜品刨冰, 都可以食到, 又可以自制拌飯 絕對係以最優惠ge價錢一次過品嚐到多款韓國料理(註﹕冇蔘雞湯) 自然別曲有一種特別ge餐盤就好似九宮格咁, 作用係防止食品味道混埋, 影響料理ge味道 九宮格餐碟 弘大呢間因為學園區兼遊客區, 所以經常現人龍 營業時間10:30開始, 要避開人龍的話, 可以早少少去, 又唔駛等位 第二間﹕ASHLEY 애슐리 (美式) ASHLEY門口 收費﹕平日午餐 12900won / 平日晚餐 及 週未 19900won 位於弘大1號出口直行5-8分鐘左右 (salad bar - 自助餐收費部份, main menu開始就係單點部份) ASHLEY 韓國美式家庭式餐, 採取ge係半自助餐形式 Salad bar係自助餐, 主食可以另叫 同香港唔同ge係, ASHLEY可以唔駛叫主食, 單叫salad bar都ok 只要同待應講聲只係salad bar, 佢地就會只計您自助餐費用 ASHLEY係一個集團式餐廳, 每間都有級之分, 食物種類都會有唔同 ASHLEY級數類別, 弘大店的屬W, 每級數都有不同料理 弘大ASHLEY屬於[W], 食物種類會比基本CLASSIC多, 而且飲品茶包會多d 雖然係美式餐廳, 但其實食物係韓式美派料理 會有意粉、pizza、 沙律……味道會接近韓國人口味, 因為9成以上客人都係韓國人 當然韓國料理都會有, 如拌飯、炸雞....... 對香港人黎講, 呢種口味算新鮮 韓國自助餐餐廳例牌都一定會有美式咖啡同雪糕提供 值得一試 ***兩間特色自助餐都位於弘大站1號出口
