係香港唱K, 一般都係按人頭收費, 而且多數有包飲品 但韓國係唱K, 情況就完全唔同啦! 唔知大家黎韓國玩時, 有冇去過 或者 有冇諗過去韓國ge K房(노래방)體驗下不同ge文化 韓國K房大致分兩類﹕ 按時收費 及 投幣式 而且收費係唔包飲料, 換言之, 大家係可以帶野食入去 或者 有d係比1000won任飲 位於弘大購買大街中間路段, 就有幾間非常搶眼ge K房 其中一間名為 Luxury秀노래방, 樓下有埋間CU, 唔驚餓親 有到過弘大ge朋友都應該見到, 冇錯~~~房係全落地式玻璃窗兼對街 Luxury 秀노래방 收費如下(分段收費)***最更新:2016.06, 價格隨時有變動﹕ 留意! 收費係按時段, 而且有分平日及週未 人愈多, 就愈平, 所以收費唔算貴。 只係要留意返, 國語歌還可以, 但廣東就唔好太期望, 當去玩下、見識下 如果諗住過下K癮, 咁可以試投幣式, 秀노래방同一集團旗下投幣式K房, 係弘大都有間 名叫Coin Su노래방。收費係逐首計錢,最低消費係500won, 用黎hea下時間都唔錯 Coin Su노래방 d房係咁 呢種型式ge K 房係要自己揾房, 有空房就可以入, 超自助!!但d房唔大, 兩三個朋友一齊就ok! 如果一大班人,去Luxury秀會冇咁迫。 Luxury秀노래방 及 Coin Su노래방都係弘大入口站9號出口方向, 過左Trickeye 3D美術館後 Luxury秀노래방就直行; 而Coin Su노래방直行到十字路口, 然後左轉行5分鐘左右。 (Luxury秀노래방) Luxury秀노래방地圖 (Coin Su노래방) Coin Su노래방地圖