係悉尼一共停留左約四天既時間,以下係悉尼行程總覽既參考: Day 1: On Flight. Day 2: Darling Harbour --> Haymarket (China Town中國城) Paddy's Market --> Night Market (only open on Friday) Day 3: Sydney Fish Market --> Taronga Zoo --> Sydney Bridge and Opera House Day 4: Blue Mountain Day 5: Museum of Contemporary Art Australia --> Sydney Tower Eye --> Queen's Mall Street 同埋十大必去景點! 1. Darling Harbour達令港: 因為Airbnb係悉尼既中國城入面,由個到行過去Darling Harbour只需要十分鐘,非常方便。途經Sydney ICC ( Sydney International Convention Centre)。個人覺得黃昏同夜晚既Darling Harbour最靚. 有餐廳,有個購物商場,入面有FOOD COURT。仲有小型摩天輪可以坐。 點擊圖片放大 +3 2. Paddy's Market: 呢個市場係室內的,係買澳洲手信既地方之一。個人覺得地下個層有點似香港既女人街,不過係室內既 (哈). 不過攤擋賣既野都幾似,有點產品感覺似係淘寶購入...晚上六點就關門,唔好太晏先去.一樓有唐人開既超市,同埋Food Court. 3. Sydney Night Market: 呢個夜市只係星期五晚先開.條街唔算好長.攤檔買既菜式都幾多樣,有日式丸子、土耳其Kebab,麻辣的、台式的、港式的。人好多喔,頗受留學生歡迎。 4. Sydney Fish Market: 搭輕軌列車,係Fish Market站落,落車過對面月台,跟住人流行數分鐘就會到了. 遊客超多. 戶外有很多座位,可以買完野食出去曬太陽慢慢歎,不過小心有雀鳥同你爭食。可能名氣太大,個人覺得性價比唔算太高,海鮮唔算太新鮮,價錢亦都唔便宜。 點擊圖片放大 +2 5. Taronga Zoo 塔龍加動物園: 位於澳洲新南威爾斯州雪梨的一座動物園。係火車Central station搭去Circular Quay Station只係幾個站,出閘後會見到碼頭. 每廿十分鐘有一班船. 小編係klook網上預訂門票,因為即場買會貴少少,如果當天生日就免費入場. 架船會經過地標悉尼大橋同悉尼歌劇院,短短十五分鐘既船程係影相既好機會!落船後坐纜車會到達公園入口。纜車景色超靚,一定要坐呀! 呢個動物園有得睇曬澳洲三寶,樹熊、袋鼠和鸸鹋鸟。想親親樹熊就要預早少少,雖然動物園五點先關門,但抱抱樹熊只去到三點,小編就這樣同樹熊擦身而過(哭). 點擊圖片放大 6/7.Sydney Bridge and Opera House悉尼大橋/悉尼歌劇院 係Circular Quay Station落車,沿住海岸線就欣賞到悉尼大橋/悉尼歌劇院既景色. 而且有好多餐廳,可以一邊食一邊睇,令人感覺放鬆. 點擊圖片放大 8. Blue Mountain 藍山國家公園 去藍山國家公園最好預一整天時間. 因為路途遙遠。由Central Station搭去 Katoomba station就要兩個小時,因為火車不設劃位唔想企的話記得早少少到車站上車。搭完火車再搭巴士先到達藍山纜車既入口。Echo Point 係搭唔到纜車架! 建議大家可以買纜車one day pass會比較方便。klook/kkday都有,而且比官網平少少. 任搭三款纜車,個人最喜歡坐全世界最斜既纜車,超刺激! 高地空氣零舍清新,仲可以遠眺三姊妹峰添! 回程時,搭番巴士落火車站。巴士班次好疏,所以巴士一黎大家都好心急咁爭住上車. 火車來回都四小時,加上呢個國家公園纜車服務只係去到五點左右,大家留意時間喔! 9. Sydney Tower Eye雪梨塔: 屬悉尼中央商業區中最高建築,塔的高度為305米。小編係klook買左Ticket連自助餐,每人約三百幾蚊. 佢個入口係Westfield Sydney入面,再搭電梯去五樓轉升降機就到了. 雖然食物質素一般,但景色超靚,而且個塔會360度轉,每75分鐘轉一圈,唔使驚會頭暈。性價比高,可以俯瞰極個悉尼,推介大家去悉尼黎呢到! 10. Museum of Contemporary Art Australia 澳洲當代藝術博物館: 專門收藏和展示當代藝術的美術品,無入場費。展館有三層,每個展區都有工作人員俾訪客查詢。 交通貼士: Opal卡 呢張Opal Card用法好似香港八達卡咁,適用於悉尼既公共運輸系統,包括火車、輕軌或渡輪。 Opal Card本身是免費的,最簡單可以係7-11買到,不過唔可以單買,最低儲值額為AUS$10. 在星期日如果車資已經扣款達2.6澳元,則當日無論之後去邊到,刷卡都是免費的(當地人稱星期日為快樂家庭日)。