係日本，每個地方都有獨特既飲食文化，因此唔同地方都有唔同既名物，好似名古屋有雞翼、東京有拉麵、大阪有章魚小丸子，盛產既海鮮或者水果都不盡相同。講到大分，原來有琉球蓋飯同關竹莢魚 ! 特別試左連餐廳CATALOG都有推薦的「二代目與一」，佢位於商店街「Centporta中央町商店街」，JR大分站約八分鐘路程。雖然是家日本老字號美食店，但價格實惠，壽司和海鮮都非常新鮮，料理以「關竹莢魚」、河豚等大分縣名產高級魚做成，大分名產「雞肉天婦羅」亦深受當地人和遊客歡迎。 有榻榻米坐席，也有一般坐席。 由於MENU只得日文，所以望下鄰桌既日本人叫咩，跟佢地叫應該穩陣(笑)。 首先點左「琉球蓋飯」，蓋飯以醬油為醬汁醃制刺身，再大量蓋在米飯上品嘗，加入芝麻，令人吃不停口，果然是店內最有人氣的菜。 點擊圖片放大 關竹莢魚壽司，係醋飯上滿滿地蓋著散發清香的青紫蘇，加埋肥瘦適中的關竹莢魚黎食，紫蘇的香氣係口腔停留，非常特別。中意紫蘇葉既朋友一定要試下! 仲叫左刺身定食，味道唔錯! 二代目與一 地址 870-0035 大分縣大分市中央町2-3-7 營業時間 11:00～22:00 第1、3個週一休息（節/假日的場合次日休息） 雖說食完正餐，食甜品是用另一個胃的! 呢間LANI CAFÉ PLACE同樣位於中央町商店街，裝潢頗有文青FEEL。 入面有不少是日本女食客，半開放式廚房可以望到整個甜品製作過程。 CAFÉ有鹹食，如意粉、汉堡等，仲有健度既沙津同營養價值豐富既ACAI BOWL!! 望到咁吸引既PANCAKE，忍唔住叫左三款黎試。落單時服務生仲提醒我地每份PANCAKE既SIZE係REGULAR，可能見我地得兩個人，鄰桌都是二人叫一份的(笑)。 除左PANCAKE，仲有其他甜品，如芭菲、芝士蛋糕、TIRUMISU等。 梳乎里Pancake製作需時廿十分鐘，見呢到既野飲有卡通拉花，問店員要點咩飲品先有呢種服務，本身得咖啡先有，店員好好，點左熱朱古力都話可以安排，仲可以揀公仔。服務一流! 呢個TIRUMISU版梳乎里Pancake是該店既十一月限定，忌廉輕盈，PANCAKE非常鬆軟，好似食左啖空氣咁! 唔會太甜，旁邊布杯EXPRESSO，如果想咖啡味濃些可以點一點，又是另一個層次。仲有脆脆夾雜係PANCAKE同CREAM中間，多重口感! 呢個鋪了一層淡黃色CREAM既梳乎里Pancake是該店NO.2，NO.1好似是原味。一樣好好食，特製淡黃色奶油帶有吉士味，唔會好甜，含濃郁蛋香! 第三款係巧克力香蕉班戟，不是梳乎里那種，是比較厚實的，相對其他兩款會較飽肚，加埋雪糕一口接一口，最後三款全部吃清光! 全部PANCAKE賣相一流，是打卡推介，去大分市一定要去試下! LANI CAFÉ PLACE 地址 大分県大分市中央町2-3-16 日～木 11:30〜22:30 (Lo,21:30) 金土祝前日 11:30〜0:00 (Lo.23:30) 定期休假日 不定休 官方網站: http://lanicafeplace.net/
