(上一篇: 【旅遊】大分深度遊．津久見市．迷你日版地中海．保戶島) 點擊圖片放大 +2 逛逛之後，中午來了名叫穂門島 大川既餐廳食鮪料理。餐廳位於半山上，可飽覽漁港風景。 呢到既裝潢好有傳統日式風味，全係榻榻米坐席。 鮪，又名吞拿魚或者金槍魚。上篇都提過保戶島不少漁民以金槍魚漁業為主，一場黎到點都要試試。 先試刺身，有兩種，肉質好柔軟，據店員講魚是即日新鮮的，沒有經過冷凍保鮮，名副其實百分百新鮮。 之後係特產日向丼(左上角)，它連續2年獲得大分美食最優秀獎金獎。日向丼源於漁民的烹飪設計，將魚肉切片，加入芝麻，醬油，糖等和秘制調味而製成，用來拌飯吃，醬汁很香。 下一道菜名為魚翅。用醬汁加蔬菜烹調，含豐富COLLAGEN，女士恩物。雖然語言不通，但店員仍落力解釋，仲拎左幅吞拿魚的圖為我地講解。原來是指用來拍動魚尾，連接魚身同魚尾既地方，由於經常郁動，口感非常彈牙。一條魚只得兩小塊，非常珍貴。店員提醒我地要襯熱食，放涼左就好難咀嚼。 下圖為未煮前. 下一道菜更將整個料理帶到高峰! Teriyaki (照燒) 三種鮪魚內臟，如魚心臟。太特別喇，連埋芽菜一齊食，唔會腥! 店員特別提醒照燒鮪魚心臟時間好短，一轉色就食得，如果唔係就會過熟。 點擊圖片放大 +4 仲有足料味噌魚湯、前菜同炸物等! 以茶作為完結整個料理，估唔到可以食到百分百新鮮既吞拿魚，仲試到咁多平時唔會食到既吞拿魚部位同獨有既食法，整餐飯可以用大開眼界黎形容。 建議大家去之前先預約. 穂門島 大川 津久見市大字保戸島1120番地 コース料理 2,700円～(要予約) 電話 0972-87-2024 回程嚕!係到買飛. 點擊圖片放大 +2
