(上一篇:【自駕遊租車篇】日本九州租車懶人包) 係正式介紹行程之前，想喺度借呢個平台感謝日本大分縣観光協会及ULifestyle既邀請、安排同埋接待，感恩有幸參與呢趟大分自駕遊體驗旅程，睇到大分與別不同既一面! 相信好多人都鍾意食海膽，黎到日本除咗可以係餐廳叫黎食，仲有咩食法? 就係自己親力親為去開海膽黎食喇! 由大分市中心揸車去呢度大概要兩個半小時左右，到達呢個位於佐伯市蒲江西蒲，叫丸二水產(Map code: 607 312 325*50) 既地方。佐伯市東部面向豐後水道，海岸由於係谷灣地形，被列為日豐海岸國定公園的範圍，沿海地區風景怡人! 開海膽呢到夾雜左民宿同餐廳於一身，餐廳座位唔多，對出既半開放式地區有魚缸。 點擊圖片放大 伸延出去是停泊漁船既小港口，對開便是魚排及藍藍的大海。嗰日天氣好好，海水很藍，令人心情愉快。 點擊圖片放大 可能地方唔就腳，我地基本上與包場無異。 親切既老闆娘橋本女士親自為我哋穿上圍裙，並準備好開海膽既工具。我哋係一個半露天嘅環境下開始我哋開海膽嘅體驗。由於從來都未開過海膽，所以覺得好新奇! 老闆娘好友善同細心咁教我哋首先要用鉗係海膽嘅底部用力開個窿，之後將個海膽一分為二，用匙子將殼裡面啲黑色既野連腸同海膽刮出嚟，放係碗度。刮嘅時候要輕手，如果唔係啲海膽就會整到碎咗，而唔完整嘞。開頭開嘅時候仲未拎到個竅門，俾老闆娘笑我將海膽變成海膽碎。未洗既海膽會鹹少少，但新鮮即開即食真係無得輸! 點擊圖片放大 開完海膽第二步就要洗海膽喇!將碗入面既海膽同腸倒落一個篩入邊，然後將個篩放入水，搖一搖用鉗夾走黑色既腸同啲污糟野，重復呢個步驟，直到唔再有黑色野，海膽就可以食喇! 點擊圖片放大 +2 見到女工們會將洗好既海膽逐粒輕輕夾上平時食海膽見到既板上，排得好整齊，真係少點筷子功都唔得!! 除此之外，老闆娘仲示範左點樣將啲海膽殼放返落個海度養，將啲海膽殼放係一個籠入邊，然後綁好放入海中。 洗好嘅海膽可以即刻食用，見到海膽殼上的刺仲郁緊，可想而知海膽有幾生猛。 大分深度遊-佐伯市．海膽体験(下) 會繼續唔藏私同大家分享!
