繼沖繩之後，今次係九州展開另一趟自駕遊之旅，而且集中玩大分縣. 大分縣位於日本九州東北部，福岡對落少少，別府溫泉和由布院都係著名既旅遊熱點之一。由福岡去大分市，行高速公路要兩個半小時左右. 係玩之前，落機後首先要去拎車. 今次係BUDGET呢間公司租車，佢地既SHUTTLE BUS好易認，藍底白字。係福岡既機場落機後，免費轉乘接駁巴士，就會到達租車公司地方。 之前係沖繩租車篇都提過，在日本駕駛汽車，香港人須持有國際駕駛執照，只要你持有香港有效駕駛執照就可以向運輪署申請一年期效既國際駕駛執照。記得帶齊兩款駕駛執照，特別係國際駕駛執照，租車公司會影印留底。 係沖繩租車篇提過既，就唔係呢到重覆喇，程序大同小易. 大家去過沖繩OTS租車都知，車身基本上都會有一定數量既花痕、損毀等，而呢間租車公司既優點就係佢地既車好新，我地租個架基本上100%無花! 另外，於九州租車時，建議大家向租車公司租用「ETC卡」及購買「Expressway Pass」，之後於高速公路出入口時，使用「ETC專用」的閘口便可，毋須停車繳費，非常方便。呢張pass金額從2天3,500日圓起，使用期間越長越划算，由2天～最長10天不等。呢張PASS涵蓋既地方好廣，好岩去九州自駕既朋友。 詳情可以上以下官網: http://global.w-nexco.co.jp/tw/kep/ 以下是租車公司既官網: https://www.budgetrentacar.co.jp/zh/ 長氣D都要講，為左保障自己，大家記得仔細閱讀租車協議內容，取車時必須仔細閱讀收據，並詳細檢查汽車狀況，當場要求職員書面記錄受損詳情，唔好心急拎車! 還車時亦要與職員當面確認車輛狀況，取車或還車時都應將車輛狀況拍照，以作記錄，避免到時有咩誤會! 總的來說，大分既沿途景色好靚，有沿海的、有山景的。 而山的道路都頗多，另外有唔少係單線雙程行車同多彎路，加上秋天開始後，太陽五點多就落山，六點就齊黑，所以大家駕駛注意安全喔! 提一提大家，隧道口都會有指示牌，提醒入隧道既車輛要開車頭燈照明。 下一篇正式帶大家體驗大分獨特的一面!
