日本美食向來都唔會令人個胃失落，相反最怕你食唔飽. 去到國際通，除左買手信，仲有好多餐廳俾你揀，爆肚無難度! 好多人介紹既連鎖BLUE SEAL雪糕，單是沖繩已經有好幾間分店. 沖繩特有的人氣NO.1 海鹽雪糕TWIST紅芋味. 嘗第一口海鹽雪糕，的確鹹到嚇一跳，幸好之後幾口就唔鹹了，本身不喜歡紅芋味，卻出奇地無想像中重紅芋味，不太喜歡紅芋的朋友，絕對可以試試! 你唔會對紅芋味改觀，但食佢你唔會覺得抗拒 XD 軟雪糕溶得好快，而且個筒不是WAFFLE筒，雪糕溶左不單會整「林」個筒，仲會沿住筒尖滴出黎! 唔想咁狠狽既朋友記得唔好掛住打卡，拿拿聲食左佢，除非你揀杯裝啦. 上圖是綠茶飲品. 黎到國際通，見到呢間拉麵店，味道唔錯，不過冷氣相當唔夠! 這是鹽味! 這是人氣NO.1的味噌，湯頭濃，但不會過鹹. 仲有炒過的芽菜做配菜，十分惹味! 以下呢杯芒果雪糕芭菲亦一解沖繩炎熱的高溫. 底層是栗米片、跟住係芒果雪糕，超甜芒果在頂層! 芒果雪糕有點似雪葩，600YEN. 好多著校服既學生都有買黎食，特別是女仔. 遊客反而不多. 另外，推介大家黎沖繩一定要食海葡萄，口感爽脆，營養價值豐富! 仲可以帶上飛機，自用或做手信。 一般都是配沙津，唔腥，加埋醬汁好開胃. 另一沖繩美食相信大家實聽過 – 苦瓜. 本人一向唔好苦瓜，但講到咁受歡迎就試少少! 一句講曬「中意既朋友會好中意，唔中意既朋友都係唔中意」，可能都係要過多幾廿年先識欣賞「半生瓜」XD 有唔少餐廳仲有傳統沖繩音樂LIVE BAND，傳統沖繩音樂有個好似結仔既弦樂同埋鼓，一個主音，一個鼓手，幾特別.
