塞班有咩好野食? 塞班係美屬地區，除左美式既菜式，都仲有好多其他選擇，例如韓式、中式、意大利等等。 今次就介紹兩間西式餐廳我地食過而且唔錯既俾大家! 呢間係FIESTA酒店對面既步行街的小餐廳叫TASTY，Under Fiesta集團既，附近仲有幾間手信店同有間subway。 餐廳有戶外同戶內既，不過都是得兩三張台。 首推佢地既chef salad!奇貌不揚!!! 價錢唔使usd10，但份量好多，而且用料新鮮!有沙律菜、蛋、脆煙肉、脆麵包粒、煙三文魚、牛油果、蕃茄、紫洋蔥、仲有芝士.......最緊要係沙律醬好開胃!! 呢間餐廳仲有burger,sandwiches,都唔錯! 另一樣推介既係雪糕panini! 因為呢間餐廳性價比高，所以我地encore左一次! 另一間介紹既西餐廳係當地名氣好高既TONY ROMA'S! 佢地既豬肋骨係最出名既!果然，同行友人話RIBS既肉同骨好易分離，而且個汁好好味!可以自選兩個配菜. 份量幾大! 另外，叫左一個大蝦意粉，個汁都好好味! 仲叫左一個亞洲風味既沙津，醬汁唔錯! 主餐完左，叫左一個甜品PLATTER.有三款甜品，包括BROWNIE、AMERICAN COOKIES FILLED WITH ICE CREAM同埋RED VELVET蛋糕! 用甜品作結的一餐，好滿足! 補充: 呢間餐廳價格同香港OUTBACK或者RUBY TUESDAY差不多.
