例牌相hahah你懂的lol 由於行李重量限制既關係 我係將所有有重量既衫都著上身 明明係八月 去既地方又係是夏天 陽光與海灘 但我又毛毛外套又legging 個對比係 睇下後面排馬隊上機既唔係短tee就背心上機 果刻我真係覺得自己係一個異類:P 去歐洲之前搭過最長既機係去北海道 都唔多過五個鐘 但今次飛dubai 需時十個半鐘 足足係個double 長途機既的位係比中短程既闊 但可能唔慣 坐起黎都仲係有啲唔舒服 終於終於 花左好多心血同時間去編既半年之旅要開始喇^^ Still have 4097 miles to go! 滿心歡喜以為上到機就有飛機餐食 點知原來要訓醒先有 唯有食啲自己帶既小食就訓lu 訓下醒下終於有早餐食喇 雖然已經餓到不餓了LOL PS; 去到差唔多派早餐先知原來可以order杯麵 超後悔無咁做..... 上機後第一餐 都係比較light既食物 salad麵包生果咁 食完大家又開始呼呼大睡 然後一醒來 雖然我依然係睡睡醒醒 又是用餐時間嚕 今餐係比較English breakfast fu的 煎蕃茄炒肉炒蛋麵包生果 味道都忘了 哈 食完之後又係sleeping time 4個多鐘之後終於都到左猶長國﹣DUBAI! 往轉機既地方一直走一直走 拎番啲行李就開始我地歷時6個鐘既等轉機 nutella!!!!!本來係香港已經好鐘意食 但黎到歐洲呢邊 簡直係要進入一個瘋狂既狀態 一小瓶一小瓶的超可愛喔♥ 聽朋友講dubai既chips好好食 但又唔記得問係咩牌子 所以最後都無食 反而食左杯haagen dazs - Nut & Midnight chocolate paid in EURO 果日兌4.4 所以呢2 scoops雪糕就承惠港紙大約70HKD 同係香港食都只係貴左廿幾蚊 而且香港都無呢隻midnight choco味 對於已經乾等左4個鐘既我黎講已經係甘露喇T^T 本以為貴為石油大國 機場應該係富麗堂皇什麼的 但感覺就同香港國際機場差唔多 都係以白色simple為主調 而且可以逛既地方都唔多 大概係因為無出境掛(?) 不過唔同既係無wifi contact唔到父母話 搞到佢地擔心左我地好耐 網又無得上 電腦既功用還原番去踩地雷同啤牌XDDDDD 好辛苦咁的等左差唔多六個鐘 終於係scheduled departure time前既1個幾鐘知道我地係gate12了 等我地仲擔心左好耐係唔係要delay 點都好啦終於可以上機去第一個目的地希臘喇～ Byebye DUBAI 雖然連關口都無出過 但都總算黎過呢個猶長國了 不過…阿拉伯字好可愛 好像好難咁 到底係咩構造啊… 一上機又係食野既時間 appetiser係smoked salmon 不過不失 而今次個LUNCH有兩款可以選擇 1, Mutton stew with black pepper（上圖） 2, Chicken tikka（唔記得影相....） 因為兩個人所以就點了兩款啦 Mutton stew超好食 potatoes mash好creamy...Chicken tikka就有點辣喇 兩個我一定揀stew 但我朋友就揀chicken 各有各口味啦~:D 甜點都要讚: cappuccino brownie mousse topped w/ white and dark chocolate 對於唔係咁鐘意巧克力既我都覺得超好吃呀!!!!!!（又係唔記得左影相...） 另外 隨餐附送既餅乾都好好食 因為個餐份量太多 其中一盒帶左落機食 食完之後又訓 今次總算可以安心咁訓luuu 真的超睏 連空姐收餐盤我也不知道耶 昏睡了不知多久以後 終於!!!!!來到雅典了 人們一提起希臘 想到的都是藍天白雲和小屋 有藍色的海是沒錯 但卻少了想像中的藍白色小屋 沒想到雅典卻是這樣的荒蕪 都是乾乾黃黃的土地 我們的飛機♥ 謝謝你帶我安全到達雅典喔 正常手續後就到拎行李呢個驚心動魄既過程 曾經有朋友係等左好耐都唔見自己行李 幾日後機場先打給俾佢話搵番 朋友既行李好早就到左 但我果個等左五分鐘都未有 驚恐感覺立即出現 唔係一齊check in行李應該一齊check上機架咩... 我 的 行 李 是 不 是 那 麼 好 運 的 不 見 了 喇 吧 幸好 到最後我心愛既行李都出現了 真係驚餐飽XDDD 順帶一提 係外國用手推車係要俾錢/deposit的喔～ 一直處於戒備狀態既我地執左行李(主要係將啲毛毛外套放番入gip)之後 終於要去我地真真正正既第一站 Athens港口- PIRAEUS喇:) 一出ARRIVAL HALL 就去搵傳說中的DOOR 3 & DOOR 4搭X96巴士 其實只要一出門向右一直走就是了 由於程車都要搭成個鐘 建議去左洗手間先 最近X96既toilet就係arrival hall面向出口既最右手面的角落頭 留意番佢地沖水同洗手禁水制都係係地下 第一次用既時候真係唔識周圍摸XDD 講番出PIRAEUS要搭既X96 每位€1.6 (2013年8月價) 係TICKET COUNTER買左飛之後上車 係車入面搵一個橙色既machine 塞張飛入去俾佢打日期同埋巴士no.（雖然我見到唔係個個人都會咁做…） 所謂既橙色machine就係下圖左手面好細粒果個盒 okay請忽視我個樣haha 搭左1個鐘左右 果然係係一個好多老外拎行李落車既站落車 落車位你會見到一個小小既便利攤檔同埋對面已經係port 8月既希臘成8點幾先會黑哂 所以夜少少出去都OK的～ 係酒店刷左牙 執左陣野 同屋企人報左平安之後就出去周圍行下喇 亦第一次遇上一樣令我無限愛上既食物 係酒店附近有間小店 係果度我第1次接觸到pitta呢樣野食 (中釋「皮塔」) 所謂的pitta其實係一個用薄餅 包住洋蔥 蕃茄 薯條 tzatziki(一種酸sauce) 同由一個叫gyros既超粗肉團割落黎既肉類like雞or豬orsouvlaki(串燒)or even無肉 既食品 基本上係希臘周圍都可以見到佢地蹤影 價錢就因應入面既餡而定 2.5歐到5歐都有 由於太好食既關係 我係希臘10日就食左5日以上 由於行程要去外島 吃完以後我們就去船公司買票 （旺季去的話其實應該時先買好票 以免突發事情耽誤行程） 幸好 三張船票的時間跟價錢都跟我編的一樣 上面三張就是船飛嚕 2013年價格如下: PIRAEUS to MYKONOS EUR34 per person MYKONOS to NAXOS EUR10 per person NAXOS to SANTORINI EUR19.5 per person 再到港口附近逛了一會後就回hotel去了 由於還未適應時差 第一天很早就睡了:P __________________________________________________________ 搭左十幾個鐘飛機 由亞洲一個小小既香港 終於黎到呢個好多人心目中既夢想國度 開始佢呢個為期161天既歐洲之旅‵
