買奢侈品？ 今日想同大家傾下關於生活上的事。在呢兩年的時間，大家都好難去旅行，好多識我的朋友及親戚都會問我，你呢排儲到好多錢？的確是會儲到好多錢，但大家都好似生活上冇左一樣野，慢慢就會忘記咗咩叫做旅行在呢兩年，我都有去不同酒店staycation，希望將我忘記旅行的感覺延長。但當我去到第十幾次的staycation 就發現，staycation 系完全冇得比你有種真旅行的感覺。旅行會比有種緊張，期待，興奮。呢個唔系單單執行李禁簡單，系成個感覺同過程 在大概10月的時候，我的Apple watch 壞左，我諗住去左Hermes 買Apple watch。我Feel 到佢鋪頭的服務水平真係太好太特別，每樣野都介紹得好詳細，比你有一種好特別嘅購物體驗 在個次之後我開始留意呢個品牌，我亦正式開始入坑。之後，在一次巧合下同左一個SA 留contact，每次一有新貨，佢都會通知我，幫我預約到店時間，呢一刻我覺得買奢侈品唔系單單買一件貨品禁簡單，而系一個全套的服務同成個既流程 好多人都會話當你討好左個SA 就會有好多機會買到袋，當你買到袋，好多人就會賣岀去同賺錢，但對於我來講，買袋的原因系因為你鐘意呢個品牌先會行動。單純炒賣就唔值得你去特登買袋另一個角度睇，買奢侈品在價值來講會比去旅行值，在爸媽角度，旅行系以日計去享受，買奢侈品系以月計去享受。對於我來講，我鐘意呢個品牌系因為佢地男裝同佢副產品例如日用品or 家具。我反而對佢地袋冇太大興趣去沖去買，我覺得如果一個袋系皮做而你不停飛佢落地下，系一件好破壞的一件事。所以大部分的袋都系送比媽媽 12月時我同媽媽去海港城鋪頭睇男裝，睇定衫我想睇D 掛飾。個時媽媽睇下佢D 袋，SA 好眼利，睇到佢不停睇一隻Halzan 袋。SA 主動叫佢試下，我都冇留意，只系覺得點解叫佢試袋。之後，媽媽只系講左一句，好靚同好多用途就放返低個袋 之後SA Whatsapp 我話媽媽在我睇掛飾的時候不停望個袋，佢好似好鐘意，佢就問媽媽平時鐘意咩色。我知Halzan 袋都要買一定數先會有的袋，我就話佢一向鐘紅色在初五的時候我同媽媽又約左我個SA 去睇新的男裝，一到鋪頭佢竟然帶我去房仔。我以為佢拎定衫比我試，原來佢準備左個袋。我第一下以為系我要的男裝袋，點知一拆開就系佢好想要的Halzan 25 SA 特登拎左個Halzan 25 馬鞍紅併寶石藍，媽媽第一時間向前望住個袋，隔住個口罩都睇到佢笑住同埋個眼神表露岀一個好開心的感覺，我在同佢行Hermes 禁耐，我都未試過見到我媽媽有呢個反應。在呢一刻我即刻覺得呢個袋幾貴都值我媽媽呢個反應媽媽拎上身試下個袋的時候，我感覺到真正奢侈品的意義同買奢侈品的價值。一個購物體驗並不是集中在你個人而是包圍住你身邊的人，最重要是SA 會留意你身邊的人感覺同身邊的人的喜好 可能你會話我浪費金錢，但由呢幾次的購物體驗我覺得買嘢唔只是產品而是成個流程。反思翻成個過程，買奢侈品唔只系物品的質素高而是成個購物過程令你會覺得好舒服
