一個在郵輪碼頭工作的小故事 可能一直都好少同大家分享我的工作,由讀書到而家做野都離不開同船有關的工作。由讀書時在郵輪碼頭幫人check in 到畢左業幫隻船做打雜,所以工作都系同船有關。最近,我就重施故技做翻我讀書嗰陣的工作。今日就想分享下另兩星期的一D趣事 郵輪公海遊在7月尾開始,呢個亦系大家期待已久的岀境免隔離旅行。我同大家都一樣在香港等左1年半都未用過張身份證岀境,相信當大家拎住張身分證插入e 通道個刻會有種覺得終於岀到境的感覺。但系在作插張身分證去部機之前,你都要過好多關。因為防疫限制,大部分人都要打齊針,做好檢測同落齊證件先可以上船。在上船之前,旅客都要去一個地方先檢查所有的文件之後先上去拎房卡。所以好多趣事都會在呢個check point 發生! 有一個4個女仔的組合過來登記,呢個combination 已經好特別,因為郵輪遊通常都系一家大細或者二人世界去,所以都令我好留意佢地的對答。在同事幫佢地對文件時,其中一個女仔話我做足功課,知道到帶咩。其他同行者就話以前去旅行都系佢搞曬,所以全部人都聽佢話。同佢地傾開先知呢個閨密四人行系在大學已經開始,成日一齊岀去旅行,但成年都冇得岀國,所以就冇得成行。佢地4個你一句佢一句,成個畫面好似大家好耐冇見,好耐冇一齊旅行的感覺。可能系因為呢個公海遊令佢地有翻呢個習慣,亦可能系呢1年半大家只可以在香港staycation,冇左種岀國的感覺!佢地還討論緊一陣點去插張身份證過關,會唔會去counter 睇下靚仔呀sir,有個還話換左身分證後都未用過! 在佢地停留在我個counter 短短幾分鐘都感覺到佢地個種快樂,期待同一種終於可以旅行的感覺!我都估到佢地呢個4個女人十個墟的組合會在船上不停傾,佢地都準備好來緊的4日3夜無底線禁食玩飲。 雖然今日的blog 都唔系一D推介分享staycation 的主題,但都想分享下我有的體驗,期待下我來緊月尾的郵輪公海遊