全新半島下午茶熱點 - boutique and cafe今日短編講下食野,最近大家成日講半島開左間新餐廳專門食下午茶,上個星期日我就去左食,今日就同大家講下食後感 餐廳其實屬於半島精品店的新區域,之前有買開餅的人都知佢呢間鋪位於地庫。店鋪的裝潢好型格,用左深綠色做主調,在食下午茶前面的地方有以前賣朱古力, 西餅的地方講翻食下午茶的地方,全個場得5張枱,佢下午茶會分開兩輪,2點至3點半,4點至5點半。同職員傾過,佢地會每日10點安排當天訂位,在週末日子,佢地話有人8點就來排隊,所以都幾多人地食。一日total 10 張枱,訂完就冇講下菜單,佢真系一間主打食下午茶輕食的餐廳,左手邊系一D雪糕甜品,右手邊系飲品牌,中間系件裝蛋糕配飲品。價格由100蚊到210左右。 佢會呢一個下午茶的餐牌,下午茶一位系352,兩位系537。下午茶可以比你選咸甜點各兩種,我地就先叫左一個2人下午茶同一個1人下午茶野食來前就比左飲品,凍飲就用高腳杯裝,茶類就可以免費refill。但要留意,茶選擇比大堂餐廳少,但味道不錯 下午茶一上枱我地都覺得嚇親,因為佢地用左平面方式擺盤,一反用三層架。職員都知你地會影相所以會特別擺好位比你地。食物方面,在半島門僮帽做形的盤放左兩件鬆餅,一件原味一件提子,配上半島岀名的Clotted cream。旁邊放左你選擇的甜點同咸點,最特別系有D門僮做型的碟仔放左朱古力同macaron味道方面,如果你有在下面買過西餅,個種味道會系一樣。特別系佢提供的甜點全部都系佢自己的岀品,包括拿破崙,芝士蛋糕,芒果布甸同士多啤梨卷。我自己就覺得味道唔系禁特別,都系正常酒店西餅水準。 相反,我覺得佢的咸點就好有驚喜,因為佢的賣相特別靚,未食都覺得好味。好似呢個煙三文魚三文治,佢不單單在麵包裏面夾煙三文魚更在表面都放左三文魚同魚子。呢個賣相加味道我比100分 另外,呢個下午茶的最特別系有提供軟雪糕,每位下午茶套餐會有一杯軟雪糕。呢個軟雪糕放左在一個雙層玻璃杯上面放左D金薄。軟雪糕的奶味超級濃同好滑,超級高質,據講佢的雪糕系用北海道牛奶做,所以特別濃厚 我地見佢軟雪糕禁好味,所以特登叫埋佢個雪糕芭菲,佢有一個用軟雪糕做底的士多啤梨味同另一個系朱古力味的硬雪糕。賣相都系一流,每層的分佈超明顯同好靚 士多啤梨味方面,佢底層系放左士多啤梨醬同蛋糕再加上面的軟雪糕,一口食落去就好夾同好特別。朱古力味就系硬雪糕,呢個系有香蕉味雪糕,呢個系一個純素的甜品,食起來覺得好健康。整體來講,我覺得呢個的餐廳好岩打卡,但系佢的位真系好少。食物就系正常同平時佢的西餅店一樣,反而咸點就特別D同有驚喜。我覺得如果想打卡或冇人排隊的時候可以經過過來食下,環境都唔錯