意外少人CP 值高 - 天際萬豪staycation package 對上一次的長週末我同屋企諗住去大嶼山行下，突然諗到不如住天際萬豪，可以更快捷同方便去不同地方玩今次我訂的package 在萬豪官網岀的，佢可以比你early check in 11點，同late check out 3 點，揸車的朋友有免費overnight parking，官網話會送1600蚊per stay 我11點左右到酒店check in，完成冇人，可能真係太遠的關係，所以好少人。check in 的staff 好細心禁講解下有咩包，佢突然同我地講會每晚有1600蚊，我嚇親，我問多次系每晚？唔系每個stay？佢答我網上寫系per stay，但其實系一晚講翻個訂房，我今次三個人去，所以特別去訂左間普通套房，呢個package 更有免費加床，但要留意club lounge access 只包兩個人，所以第三個人就要加300蚊房間今次房間安排左在15樓，望住機場跑道景，對於我呢個飛機迷，超級鐘意。房一入去有一個客廁，超大。再行入去就有個廳，有一張大梳發同茶几。空間感都有的，但都唔算超大，入門級套房都算系禁點擊圖片放大 行入去就一間睡房，超級正常同普通，旁邊有一個超大廁所 大浴缸系必須，但冇特別網紅感，當然同其他的套房大細差得遠。整體來講，呢間房都算正常同普通，三日兩夜都可以 餐飲正因為呢間套房包左club access，所以我地都去左club 睇睇。club 搬左去大堂地方，冇咩特別野食，佢會將三點半下午茶同evening cocktail 合併。諗唔到竟然都有酒飲同D酒品都唔差 因為變左每晚1600，所以我地試左中菜晚飯，中菜點心同room service。萬豪中菜廳晚餐都好特別，佢地的菜色比較淡味，好岩我屋企人的口味。不過，我覺得佢價錢都幾貴，以一個半隻雞計都要248蚊，雖然有credit，但都好似好唔抵 相反，room service 就超有驚喜，價錢比較平，選擇都好多。我地在第二晚叫左晚餐，叫左個兩份牛扒，一個龍蝦湯，一個磨菇湯。份量足同味道超好，特別系佢跟的焗薯，焗到剛剛好皮肉分離又香薯味最後一日我地決定用埋D credit 去中菜廳飲茶，以酒店茶樓來講價格比較貴。但佢的點心水準都超高同服務好，我地叫左佢特色叉燒，香諗味道剛剛好，唔會太咸點擊圖片放大 +3 總括來講今次long weekend 的staycation 超抵玩，三個人來剛剛好。credit 又可以食到餐廳不同菜色，我計過減曬所有credit，優惠，房費都只系500三個人，還要包lounge 添！呢個report 唔系廣告(我都想接廣告)，系真心推薦比大家住，住兩晚同一晚都可以
