周未靚景意大利Brunch 見上個星期的Rosewood Hong Kong 冇禁大回響，今個星期就轉下話題分享下我6月尾時食的意大利Brunch餐廳位於香港麗思卡爾頓酒店上面，呢個作為全港最高酒店，裏面的餐廳都會因為個景而岀名同貴，餐廳在酒店的102樓，坐升降機上到去103再坐扶手電梯就可以到餐廳 餐廳佈局都好貼近現在化的設計，中央有一個水池作為中心，旁邊是一個開放式廚房，可以睇到廚師準備菜色。我地今次拎到窗邊位，更要對住維港同尖沙咀景。真心覺得好靚！ 餐廳在周未就只會提供4道菜的brunch，更可以配合free flow package。我今次選左HKD948的free flow yellow label or 餐酒的套餐 未岀菜前會有自家做的麵包同5種欖油比你選擇，佢有蕃茄味，原味，香草味等等。非常特別！ 前菜有3種，一個系三文魚，一個系藍龍蝦配魚子醬，另一個系素食。藍龍蝦要額外加150蚊，但我覺得加錢系需要的，因為佢做的藍龍蝦好鮮甜配上魚子醬好夾！到第二道菜系麵類，我地選左烏魚子脆片意大利粉。粉的質地剛剛好，唔會太硬又有意粉香。你留意到佢用烏魚子，系因為廚師去過台灣幾年，所以佢會加入一D台灣菜文化的原素落去第三道系魚類or 肉類，我就選擇左煎魚扒，呢個魚扒煎到個外皮脆，内裹剛剛好，魚味又好濃。聽朝廚師來自意大利海邊城市，最叻就系煮海鮮同魚類。另一個主菜系牛，要額外加錢但個價性比就唔高了！ 到最後系甜品，我選擇左意大利岀名的意大利餅配咖啡雪葩，咖啡味好濃同好岀。意大利芝士餅的奶味好岀，配埋雪葩食好平衡，呢個甜品推介比大家！ 我之前睇Blog 有人話呢度有種芝士用紅酒渣做的，所以問下可以試下，佢地都幫我拎左少少試，反而我覺得個紅酒味唔濃同唔太岀，反而有D失望 整體來講呢間餐廳都抵去食飯，特別是想食傳統意大利菜的人，因為味道上都好好味！
