航空公司主埸的機場優勢 之前去左歐洲坐卡塔爾航空在多哈轉機，就體驗左當一間航空公司做主要航空的機場的特色。每一個國家地區都會有一間主要航空公司，航空公司會加入佢地航空公司特別操作去令佢地的運作更順暢。今日我會用三間航空公司 （卡塔爾，新加坡航空，英國航空）去解釋下機場佈局在一個主要航空公司為主導的機場會特別改變佈局去滿足航空公司需要機場會特別提供一個獨立區域專門比航空公司使用，好似新加坡航空同英航特別在佢地主場機場內設立一個頭等專用的區域，呢度會包埋一個獨立的安檢同入境通道。呢個獨特的安排一定完全滿足主場航空公司的需求，呢個亦系會為客戶加分 另一個系登機櫃檯的安排，好似英航禁，因為佢地見到平時航空公司櫃檯會一字排開，當你完成手續後要行曬成排先可以走到。正因為佢地見到呢個情況，所以佢地特別整左一個可以在後面有通道的設計，方便旅客航空公司貴賓室位置作為一個主埸航空公司，會為佢地主要收入的部分落工夫，所以在貴賓室的位置都會精心考慮，亦有更大的權去改動機場設計好似英航樣，當你一行完個頭等專區後第一個接觸點就系佢的頭等貴賓室，呢個超方便一班路痴，平時都要特別去搵一D航空公司貴賓室位置，去到呢個機場就唔需要搵，連身分驗證都唔需要，因為行得呢個位入的人已經在安檢前驗證左 而新加坡航空，佢地就特登在你一過安檢後有條扶手電梯直上貴賓室，因為呢個航站樓全部都系佢的聯盟航空，所以在標記上都特別加入佢地自己的特色登機橋的擺位全因為機場或航站樓主要由佢地操作，所以航空公司會預先安排特定的航班在指定位置上機好似新航禁，佢地會集中在中央A區度安排所有A380的航班上機，呢個位好大，比足夠的空間等機，而且近安檢海關岀口，所以非常岩趕飛機的人 而英航，佢會將大部分長程大客機放在遠D的閘口，而近的閘口就會安排翻歐洲區內的航，加快中轉速度。除左上機的位置安排外，當航空公司為主要操作，航空公司會安排一D固定設施，好似指示登機的次序牌，都會特別安排變成固安裝置總括來講，當航空公司為機場的主要營運者，佢地會特別安排額外的資源完善整個流程
