家族5人新年倫敦3日行程 今個農曆新年我同屋企一家人加埋呀姨5個一齊去倫敦過年，好多人以為我地過去3日探親，但其實唔系，因為3日倫敦其實都夠玩 第一日 我地坐一早國泰機去倫敦，因為系換機票，所以航班時間就唔系禁好。我地到倫敦大約1500左右，我地過埋關拎埋行李就坐hearhrow express 岀市區 坐左大約15分鐘左右就到市區，我地再轉坐地鐵去Liverpool street station 酒店check in, Check in 後我地就去左火車站食個包就開始行程！ 因為今次住的地方好近倫敦塔橋，我地就決定行過去！由酒店經london bridge 行過去tower bridge，成個route 大約一個鐘 點擊圖片放大 去到塔橋就當然要拍下靚相，之後我地就返酒店，今晚就選左食酒店裏面的英式餐廳，餐廳有傳統的蘇格蘭蛋同英國菜，去得英國就當然要飲Gin tonic！ 第二日 我一早起身就走左岀去跑步，沿尋晚的路一直跑去塔橋，感覺不錯，一早人較少好舒服 酒店早餐後我就坐地鐵去Green Park，我地就在呢度開始我地一日步行的行程，由green park 行去白金漢宮，經過見到佢地步兵演習 之後我地就一直行到大笨鐘，個時大笨鐘都繼續裝修緊，我都影左一下。 今次來倫敦發現呢一區多左好多紅色電話亭，今次真系影左張相，之後我地就沿路行去china town，今次的目的系食午餐。行左5分鐘就聽到炮仗聲，因為唐人街有慶祝新年的節目，之後我地就到左餐廳 burger and lobster。今次聰明，我叫左三個套餐就五個人食，更加多左龍蝦，一個好鐘意食龍蝦的哥都話好食！ 之後就行左去文化市集再行埋去千禧橋，佢最好系可以睇翻London eye 同大笨鐘的view，之後再行翻去London eye，個時落緊細雨，如果唔系預早訂左一定唔會上去！ 今次訂左個香檳體驗，佢會比有個獨立Check in 位，之後未上得可以系個lounge 等，成件事超級私人 點擊圖片放大 當夠鐘就會有專人帶你入去，隊都唔洗排隊，佢可直入！上到摩天輪後就會有人開香檳，佢地會比大家每人一杯香檳。香檳好唔好飲系其次，最重要系可以影靚相，一杯香檳加靚景系無敵！再加上佢有專人跟你上，所以佢可以用專業角度影最靚的相！ 去完London eye之後我地就去左牛津道買野，因為大家想買曲奇同超市野，所以就去左M&S 旁邊的超市買，個度的商品種類超齊！ 最後我地就去左st.paul 附近 Gordon massy 開的英式餐廳，佢的招牌威靈頓牛排。佢的皮真系做得好好味同特別，裏面的料又好足料，真系大推！ 第三日 我地食完早餐，就去左9 4/3月台，佢呢個有一個特色影相位，超多人排隊同多人！我地可以系King cross station 行過去，當然要經過翻平時坐車的位，影相位後就有一間專賣店，好多哈利波特産品買 之後就去左大英博物館行，我地就行左幾個館就走，可能大家對文化野冇咩興趣，所以好快就去左食午餐。午餐位好近大英博物館，佢主要食魚柳薯條，佢可以比大家選擇不同魚的品種，有大約5種魚比你選。但對於我地呢D冇特別研究魚類的我地就每人選一種叫返來試下，味道不錯！ 最後我經過買左對鞋就返酒店，我地check out 後就去左烤雞專門店食晚餐，呢個真系英國人專門味道！ 總括來講，倫敦系可以3日去到所有景點，佢大部分的景點都好密集，所以好方便可以一次過去曬大部分景點，如果有小假期可以不妨來個快閃倫敦 豪遊天下 豪遊天下Facebook 專頁： @travellifeflight
