Waitlist 的精明選擇 最近大家聽到Asia Mile 改左制，所有的waitlist 都唔可以超過10個，呢個系對其他會員系一件好事，因為唔會變左一個人排好多班機，令到個waitlist 每次都好長 但其實排waitlist 有冇攻略？當然有，上次教過大家3個少貼士，今次再講多幾個比大家參考 避免選遊行團的航班 有一D地點例如東京，大阪，台北都會有一旅行團坐國泰的航班，通常佢地一定會有指定的航班岀發同回港。 好多時航空公司會預先留一定位置比佢地，禁的情況本身班機可提供位置的數量就會少好多。呢個會直接影響可以比大家換機票的數量，所以盡量大家要避免選擇呢D航班。 至於點去睇，你可以上一D旅行社睇佢報團統系報的航班資料，通常一間旅行社用佢，其他旅行社都會用佢 選大型機 機逾大，就逾多位，呢個道理大家都會明，但不同機型會有不同的艙等編排。例如大家去亞洲短途如果想坐商務，一定要Mark 住777-300ER 有頭等艙的商務，因為佢有超過50個商務位，呢個可以令你易D拎排到商務艙。 當呢個冇得選，你就可以選一D本身冇特選經濟的機型例如777-300，有40個商務，冇左特選經濟，國泰upgrade 特選經濟上商務的機會又會少D，更易拎到位！至於經濟，一定選777-300的最多位經濟艙，但通常呢班機都會系旅行社指定機，所以大家都要留意下同睇多D 禁點睇佢用咩機飛呢？你可以上翻國泰網上面訂票系統就會知你用咩機型，但要留意下佢有時會轉機型，所以呢個只系參考吓！ 避免熱門機場 好多人都會想方便就會排一D熱門機場，例如倫敦的希斯路機場，東京的羽田。但系當你系換機票，呢個系大問題！ 因為本身呢D熱門機場買票情況都會好緊張，你會比較難拎到位。特別系當賣票都貴D的時候，你就更難拎到換票！ 在呢個情況下，大家可以選一D冷門少少的機埸同航點，例如東京的成田同倫敦Gatwick。但要留意呢D另類機場的航班數量比較少，所以機位數較少 另外，大家可以考慮下去其他機場，特別系去歐洲同美國，你可以先飛去其中一個地方就再轉飛去目的地，呢個更易拎到位！ 總括來說，去旅行排候補一定諗清楚，不妨考慮上面的貼士，更精明排候補！ 豪遊天下 豪遊天下Facebook 專頁： @travellifeflight
