國泰全新頭等艙體驗（波士頓至香港） 今日想分享下國泰最新的頭等服務，佢呢個服務將來會在各個頭等航點岀現。今次我就由波士頓去香港。國泰的新頭等服務在餐飲同硬件上都有所改善，但呢班機就只在硬件配置上有改動，今日就同大家分享下！ Check in 及登機 波士頓飛香港起飛時間為0125hrs. Check in counter 在10點左右就開，我地11點幾先到已經冇曬人。 過完安檢後就去左英航貴賓候機室，國泰在波士頓用英航合作貴賓室，呢個Lounge 同英國一樣，冇特別！食物同服務一樣水平！ 登機好準時，一上到機，SP 就帶我地一家四口去頭等位。今次系4個人一齊坐，所以坐位安排左兩邊窗口，我同呀哥坐一邊，媽媽同爸爸坐一邊。 座位同配備 呢個位的設計就一樣啦，冇變過。但想講下佢的配備，佢的枕頭換左一隻好硬，如果你唔習慣用硬枕頭可以同空姐講換，佢有一個枕頭menue 比你選 在位對面的客人坐的位上面換左個紅色的枕頭，在顔色上好有對比，好有特色！令人的感覺好清新。 在你坐低之後，佢地就會問你飲咩，佢都同我地講因為新餐飲未去到呢條航線，所以個餐飲服務都會用翻之前的舊服務。 再之後佢地就比左今日的餐牌同新的個人護理包，佢同之前一樣有分男同女，今次合作的牌子改左。以一個冇野做的家庭主婦媽媽提供的資料呢隻系英國牌子，還是有機添。佢的意見系呢個護理包的軟硬度好適中，好適合之後放野，冇禁佔空間。之前佢每次拎到舊頭等的AESOP 護理包佢都話佢大而冇用，所以呢個真系改善左！ 講下張床，因為空姐話我起飛後會有氣流，所以佢問我地會唔會起飛前整定床墊先，我地都冇所謂 佢地今次床墊都升級左，佢比之前厚好多，令到成個感覺好舒服！其實之前佢地都已經好舒服，但佢加厚左之後就更好，可以一覺訓到落機！ 在食完餐佢地都幫我地整個turn down service，佢幫我地整翻張被同枕頭，被就比之前更滑同厚實，感覺不錯，佢有埋一個香精噴霧，噴在枕頭上面真系好訓好多！ 餐飲 本身對波士頓上餐冇太大的期望，但竟然今次上餐有驚喜！特別系用料 頭盤就例牌長途必備魚仔醬，佢地都換左新的魚仔醬牌子，但對於我呢D唔系成日食的人就覺得冇分別！ 之後就到中式湯同冷盤，好好味，佢蔘雞湯有種韓國味道同蔘味好濃！ 我地在餐牌上面見到有中式波士頓龍蝦，我地即刻點呢個！賣相同味道都非常不錯，唔會做到好咸，有種鮮味，在飛機上面有呢種味真系唔錯！ 去到甜品我地就選左紅豆沙，我覺得好正常！在呢餐，我地選擇左對住來食餐，我同哥哥叫左其他食物一齊share，空中服務員更比我地試埋wine tasting 到早餐，我地又一齊食，我地就叫左一個中式加粥同一個西式，我地叫多份魚仔醬同點心share 食 國泰一向的餐飲都比好高分，佢地就算系外站都會有好高水準的食物！ 服務 講到服務，可能因為呢班機的crew 全部都系香港base 所以服務水平真系好高！ 佢地每一樣野都會問清楚同好留意細節位，特別系點餐同食餐的時候，佢地唔會好似其他base crew 禁是但放 在你每次離開位去廁所或者傾偈，佢地都會幫你執翻好張床同個位，呢一點真系要讚！ 佢地都在點餐同飲酒上面比好多意見同真系比我去感覺系關心我地，問清楚你的喜好 總括來講呢班機好高水平同空中服務員好專業，佢地好注重細節。在呢個新頭等配備上都好好，整體個感覺好好，下次會試埋佢的新餐飲體驗，一定會非常好同期待！ 豪遊天下 X 旅遊易 旅遊易Facebook 專頁： @travellifeflight 旅遊易Facebook 專頁： @traveleasyplanner 旅遊易 Youtube channel : 旅遊易 X 豪遊天下 使用全新旅遊易網站計劃行程: https://traveleasyplan.wordpress.com
