每個月旅行不是夢 前排有個朋友問我，點解可以每個月飛，莫非真系唔洗返工？D人又問，成日飛，唔通你系開金鑛？我今日就想分享下我平時點可以一張機票分幾個月飛 如果睇開我之前D Blog 的人就知，我好多時會買一D由其他地方起飛的機票，但佢地都會在香港轉機，呢個情況下就可以用到佢的免費停留去製造多幾個旅程，下面我就會比多幾個例子去解釋下 在之前，我都透露過我轉左一份返Office 的工，在假期上就冇左之前輪班禁夾假隨便去旅行。我地現在都系同普通打工仔一樣放紅日，禁放紅日點可以做到每個月旅行？ 好似上年重陽節10月假期的時候我就買左兩套機票，分別系廣州飛台北，台北飛曼谷。在呢兩套機票利用佢的免費停留去製造多幾個旅行 好似國泰禁，佢外站岀發經香港的機票好多時會有回程免費停留。呢個停留唔系講緊停24小時，而系可以在機票有效期內飛最後一段 用翻上面重陽例子，第一日假期就廣州經香港飛台北，當日台北飛曼谷，在假期最後一日就曼谷飛香港，之後在11月就用台北岀發個張的機票尾段飛返去台北，在台北快閃後用返廣州岀發個套飛返香港，再在12月時就再飛返上廣州來個週未遊 聽起上來好似好複雜，但其實成件事就好容易理解，只需要知邊個航段用邊套機票就可以。好多時當你要禁樣在一個假期飛兩套機票會超級辛苦，因為你會覺得好似日日坐飛機，但當你分拆佢為三個旅程，呢個就會比較輕鬆D 當然，好多人都唔鐘意去個旅行要成日轉機，亦唔多人會選擇在其他地方買機票岀發，所以都好睇個人的喜好。 大家在玩呢種停留機票時一定要睇清楚佢的機票條款同規定，有時候張機票未必可以比你禁樣停留。有時候佢會要預先定好行程，當第一段機票岀左之後就冇得改，改就要收錢 旅遊易 X 豪遊天下 使用全新旅遊易網站計劃行程: https://traveleasyplan.wordpress.com 旅遊易Facebook 專頁： @traveleasyplanner 旅遊易網頁： https://traveleasyplan.wordpress.com 旅遊易 Youtube channel : 旅遊易 X 豪遊天下
