走左架飛機點算 - 真實體驗送機尾 如果之前有睇我講要幾多個鐘前去機場的文就知我上次去美國的時候因為過關而搞到我送機尾，今日就想講下呢個話題同分享下個日發生的事 個日我地坐0615機由多倫多飛紐約，我地已經0430到機場，好快就check 左in 直接入閘，多倫多機場會用美國的US pre clearance，所以我地就會在加拿大做一地兩檢。因為哥哥同爸爸的美國簽證唔系本新護照上，所以每次都一定用唔到特快通道，要排隊用人手入境 我地一去到美國關口的部分，一入去就見到要排隊，本身條隊好短，但原來佢做得超級慢，每個都要成10分鐘，還有crew 打尖，我地班機系0605關閘，我地0601先排到去見官，搞掂已經0608！ 我地跑到閘口系0610，遲左5分鐘，見到機但上唔到，ground agent 同我地講機已走冇得上。上面就系我的送機尾經驗，下面就想講下點可以解決，因為你點都要飛，點都要去目的地 Same day standby 在美國，大部分航空公司會提供叫same day standby 的服務，呢個系比你可以坐當天其他航班。會員用呢個standby 會免費，其他人就可能要收錢 呢個standby 好似去澳門坐船排standby 差唔多，要等當班機的人上曬先可以上，填補空位。當然如果本身班機唔滿你都可以預先standby 個位 當然啦，如果你系佢地或佢地聯盟的高級會員，佢地會幫你容易D拎位！ 買過張新機票 呢個就易明亦系有錢就做到。但你都要留意下，最好系買翻你本身航空公司同聯盟的航空公司，因為方便本身航空公司轉你過去。我試過有人在香港 Miss 左班飛尼泊爾的機，佢轉買左新航，因為個 Ground agent 唔同，所以人地好難先轉到行李同唔需要帶翻你入境等下一班機 Check in 另外，如果你要買機票，最好系你本身的航空公司叫買先好買，因為好大可能佢地會幫到你處理。如果冇通知佢地就買，好大機會人地在轉機有事時未必幫到你 小貼士 送兩個小貼士比大家 第一，一定要先去本身班機的閘口先，須然你已經知道班機一定走左。但佢去地勤可以早D幫你，好多時佢地會有你地走左機的名單同知道你之後的行程，搵左佢地先會好D 第二，要主動話比地勤知你走左機，千萬唔好自己行動。我地個日最後個班 empty ferry flight，得我地4個人坐。但其實之前去紐約的機有不少人系上唔到，在我地上新的航班時，有一部人就走過去想要求坐呢班，但美國航空地勤大媽就話佢地太遲要求所以坐唔到。又話佢地點解要禁遲先現身，所以大家記得要蒲頭上左水先！ 今日呢編有D長，但我都希望幫到你地，在走左機後一定冷靜禁思考點去處理同點做後續安排，因為呢個好重要，當一唔記得左重點同點去改機，你好大機會由可以坐下一班變飛唔到，等多日！ 旅遊易 X 豪遊天下 使用全新旅遊易網站計劃行程: https://traveleasyplan.wordpress.com 旅遊易Facebook 專頁： @traveleasyplanner 旅遊易網頁： https://traveleasyplan.wordpress.com 旅遊易 Youtube channel : 旅遊易 X 豪遊天下
