國泰長途新商務體驗 香港至多倫多 A350 好耐冇寫過呢個主題！所以今次都記錄下！ 十二月的時候我就去左個美國行程，今次就買左國泰多倫多入波士頓走的商務機票。正好我去多倫個程就是國泰剛剛更新商務服務，所以今次就想分享下 在上機前的野就好正常，所以今次就唔特別分享。直接跳到登機，今程機好準時。今次就是坐國泰全新機型A350-1000，呢隻機岀名就系商務好長，呢個都系對空中服務員有挑戰 一上機，我地就有welcome drink，呢個同平時有少少唔同，個杯的份量多左 另外，一上機已經派左個人護理包，水，餐牌，在腳踏位有埋床墊同被。之後空中服務員每個位都派個拖鞋，呢D新的項目都好方便坐長途機！ 講下餐飲，今次個服務升級冇特別改餐飲服務，只在餐飲上多左健康餐饍。呢班機多提供兩餐正餐，第一餐會豐富D，第二餐就會簡單D 起飛後就派第一餐，頭盤我就選左湯同蒜泥白肉，個湯好特別，有一種薯仔湯的感覺。至於個白肉就有少少怪，個辣同肉味分開 主菜就選左牛排，國泰的牛排都照正常情況下處理，唔會太生又唔會太老。特別一提，佢現在個新服務在上餐會比以前有效率每道菜上來都會保持到個溫度！ 點擊圖片放大 +2 食完餐，我就上下網，之後就訓覺。國泰在呢個升級商務服務冇要求空中服務員幫手鋪床，但其實自己搞都好方便，當你打開左個床墊就會見到有個頭套位，只要將個床墊套落去就可以 講下張 ”床”，佢的床墊其實唔算薄，訓起上來都好舒服。當然啦！呢個系同之前咩都冇比就好好多！被方面，因為換埋個供應商，所以個感覺滑好多同好舒服！但系我對佢個枕頭就唔系禁滿意，我覺得佢太高同太硬，訓起來就唔系禁舒服 大概訓左5個鐘，機艙都開燈食第二餐，本身餐牌有2種選擇，但我都冇選到，最後我選左兩個小食做主菜，第一菜就系䁔沙律，佢有不同的菜，西蘭花，芝士同豆類，味道好開胃同好岩在機上食，我之後食左燒鴨瀨，味道好好味，飛到禁耐都可以保持到D湯系熱既 之後大約1個鐘左右就降落。呢班機既新國泰升級服務有新感覺，佢注重好多細節位例好被同床墊的質感，對於整體的新長途商務體驗有好大的提升感覺，下次不妨試下同感受不一樣的商務體驗 旅遊易 X 豪遊天下 使用全新旅遊易網站計劃行程: https://traveleasyplan.wordpress.com 旅遊易Facebook 專頁： @traveleasyplanner 旅遊易網頁： https://traveleasyplan.wordpress.com 旅遊易 Youtube channel : 旅遊易 X 豪遊天下
