應該預幾多到機場先唔會走飛機？ 寫緊呢編文的時候就坐緊由多倫多去紐約，我地就剛剛miss 左本身訂個班機，美國航空就安排左呢班比我飛去紐約。正正因為禁，我就想分享下預幾多時間前去機場好D 我以前未系會員成日飛的時候，我通常會好早到機場怕會走機同可以在機場行下。到現在我已經成日飛，我都改左唔禁早到機場，可能會遲少少先到 但其實有咩因素影響你早到定遲到？ 航空公司的地勤服務 在好多地方的機場成日都見到有priority，其實個priority 同唔優先真系差好遠，例如你在香港機場Check in，你都會見到排隊人龍的分別。有時候你會在呢度會排左你半個鐘到45分鐘，有一次我在墨爾本機場坐馬航返香港，單單排priority check in 都排左成45分鐘 另一個要留意系個安檢，好多地方都會比會員同高級客艙乘客優先安檢，但我都可以話睇地方而定 例如在亞洲地區的優先安檢就真系有分別，可以令你由45分鐘變15分鐘禁跨張。但當你在美洲歐洲地區用優先安檢，佢地好多時會有條獨立隊伍，個其實個條獨立隊最後都返返去普通旅客條隊度。我在LA 返香港用優先隊都要最後排1個鐘先入去！ 岀入接程序安排 在一D國家就會用一地兩檢，在一個國家做曬另一個國家的岀入接手續 呢D情況就要小心，好多時你要預更多的時間去做岀入境，雖然話到當地唔洗再入境，但你在飛前就要搞一大輪先岀到境 好像今次禁，我地一家人坐0612機由多倫多去紐約，我地已經在5點鐘到機場，人地機場都系實施一地兩檢，因為有優先安檢所以都好快，但一到要入美國境就岀事！ 我地系個度排左成45分鐘，最後在0615先過完關，跑到閘口已經送機尾！好在美航幫我地轉左去坐下一班機，都系差一個鐘左右 由上面我的真人示範完美送機尾就知道，當你要處理一地兩檢你一定要預更多的時間！大家要記著岀入境程序好少可有優先同特快，除非你系老人家傷殘人士就可以 但大家都要睇清楚當地機場系咪屬於一地兩檢，因為我亦試過在溫哥華半夜飛達拉斯，佢地個一地兩檢已經關左，所以所有人都要在美國做入境手續，我地就變左超早到機場，等左成幾個鐘先上機！ 早到機場好處 其實講到尾唔想走機早到機場系必須的，你遲到機場只會令你走入危險地區。當大家早到機場可以考慮去下不同的貴賓室，好好善用下大家各自的會員優惠 每個機場不同貴賓室都有不同風格，好像香港禁，國泰幾個Lounge 的食物都有不同特色，大家去不同lounge 就可以探索下不同的食物 又例如我上次去曼谷，回程的時候就選左入土耳其航空的lounge，裏面有土耳其咖啡同餅食，非常特別！ 講講下都要降落紐約，我下次會講下呢班因禍得福的一家人包機飛行！最後記得下次早D去機場！ 旅遊易 X 豪遊天下 使用全新旅遊易網站計劃行程: https://traveleasyplan.wordpress.com 旅遊易Facebook 專頁： @traveleasyplanner 旅遊易網頁： https://traveleasyplan.wordpress.com 旅遊易 Youtube channel : 旅遊易 X 豪遊天下
