廣州週末酒店享受 廣州柏悅 近排轉左工之後就冇左以前個日一二的長假去飛,所以見今次得兩日假就地翻轉廣州,順便試下新的廣州柏悅,有時候去廣州呢D地方可以當staycation 下! 地理位置 8/10 酒店位於珠江新城站,佢地鐵站會連通到酒店的寫字樓,但你要由寫字樓行翻酒店入口 珠江新城就在廣州塔週邊的位置,佢附近有好多商場,餐廳都好多,站於購物平時消費都唔錯,去廣州東站都唔系好遠坐兩三個地鐵站就到 房間 9/10 酒店所有房間都位於 51樓 以上,全部房都有高樓景觀,呢點要加分! 我地今次都比人升級左去套房,在套房未準備好的時候酒店就比左間普通房比我地hea 下,對比普通房大細都足夠,同其他酒店冇咩太大分別 至於套房,一行入去就系一個走廊,連住廳同房,佢個廳就系角位,有兩邊窗 點擊圖片放大 在廳都可以見到廣州塔,房個電視超大,還有一套用得的專業音響。點解我要 mention 用得,有D酒店放左系度,但只可以比你睇電視用,想聽下歌都唔可以 行入房,佢個房就比頭先的普通房大,因為落地玻璃,采光十足,房的對面就系浴室,佢又系個D浴室同間房的長度一樣的設計,所以可以見到系超大! 點擊圖片放大 +2 浴缸對住窗邊,窗外就系廣州塔,如果個玻璃乾淨D就可以影網紅照! 設施 8/10 有個Gym room, 泳池同sauna。先講下Gym room 先,設備足,但冇教練在場有D機器唔識用就冇得玩,所有的跑步機都位於窗前,你跑步高空望住下面得粒仔人同車個感覺好特別! 泳池就真系網紅,好多人系度打卡,但要留意佢泳池要帶泳帽先可以用,我地為左佢就特登買左去影相(系真系影相炸)最美系影到個廣州塔同個水倒影 點擊圖片放大 +2 Sauna 就系換衫房,最特別系佢個熱水池系對住個落地玻璃,好靚好relax! 餐飲 7/10 我今次又繼續有100美金餐飲消費額,我地就選擇用在佢的中菜廳,佢主要食廣東菜 點擊圖片放大 +4 我地叫左個菜,大部分味道都唔錯,但價格比較貴,最重要系冇廣州塔景,所以貴得來唔系太抵! 早餐就一般正常酒店早水平,冇太大特色 點擊圖片放大 總結 8/10 站於兩日一夜的staycation 計,呢間酒店可以話唔錯,因為佢的設施在高樓景觀下都不錯,服務水平就反而冇柏悅應有的水平,對於我地比較冷淡,大家不妨計劃一個兩日一夜一的短週末遊!