人生必坐頭等+換票攻略 呢個topic 其實我一直都好想寫，但覺得有D離地。所以今日我會加埋一D換頭等機票的攻略，比大家有個概念當儲里數到一定水平識得點去換 先講下我有邊幾間頭等想試既，我一直都好想試下國泰，新航，emirates 的頭等 講下國泰先，雖然就試左，但都可以分享下，佢的頭等位岀名闊，腳部空間岀名多，服務就都叫到位比商務個人化D，餐就港式D同有不同的特色 新航就好注重硬件，佢的位會有好多花樣，可以選擇到有D獨立房的位，私隱度大增，其實餐飲上不同airline 的頭等艙都差唔多，佢會有高級食材同特色訂餐服務 Emirate 就當要試下佢完全獨立的頭等艙，佢可以獨立控制燈同冷氣，呢個就真心好想試下，另外佢有一個獨立的Terminal 比頭等，又有專車接送，成件可好豪華同個人化！ 至於大家都可能問會點去坐，坐長途定短途好D，站於我立埸來講，我就主張坐長途。唔系因為時間長，而系因為佢的服務會全面好多，特別流程上，比個例子比大家 有次想去台北，換機票經濟商務的時間好差，只有頭等先有靚時間，我就比多D里數換頭等一程，個程機精彩，平時台北香港已經可以話系打扙，做頭等流程就更打扙，空姐一行得岀去就即刻set table 上頭盤，之後再上沙律，再上主菜，在食緊主菜已經機長話40 minutes for landing，到食緊甜品已經準備降落，食杯茶都要同步。降左落，你就會覺得好似去左高速移動的餐廳食飯 點擊圖片放大 +3 所以都系個句推薦大家坐長途的頭等，忍下手唔好換短途住，一試就試過大佬級！ 到講下我會點換，之前都有 Blogger 講過點用少D里數去換頭等，我就會相反，會想用盡里數去試曬。我之前就會選擇用單程方法換兩段國泰頭等，例如我會換紐約香港溫哥華，在香港停留期就可以長D，製造兩個旅程，接換機票個程就可以買，即系買一個來回兩個trip 用！ 除左用呢個方法外，當有D我好想試的短途頭等，我就會加埋落長途個度換埋佢，一來可以試到佢短途頭等，二來又可以方便接頭里拎分 呢兩種方法都系參考為主，希望大定可以搵到一個岩自己的頭等之旅！
