轉機定直航好？ 最近我計劃緊12月去美國的行程同機票，正正我地屋企就講緊在美國的內陸機點處理，今日就想講下其實直航好D定轉機好D 好多時大家去旅行一定會以價錢去決定坐唔坐轉機的選擇，但其實未必每次去禁選擇，我比三個考慮因素去決定坐直航定轉機 航空公司會籍考慮 呢個對於我呢D mileage runner 來講就好緊要，因為呢個決定到你個會籍的級數 比個例子等大家易明 D ，當你有諗住坐經濟去美國三藩市，你系一個oneworld member，你就可以計下呢條數: 國泰直航三藩市經濟 價格 日本航空經東京去三藩市經濟 價格 你可以睇到，你買日航經東京轉機不論里數同積分都多D，對於你要去拎指定會籍計就好有用！ 所以有時轉機票平D但個分又多D同幫到你做一D高級會員！ 轉機地的吸引力 好多時轉機有另一個好處系可以玩停留，但呢個真系好睇你個人的喜好！ 好似當你上武漢轉機你會唔會特別開心，我就未必會，我就會當佢系一個平機票禁去就算。相反，當你去美國經東京轉機，你就可能好興奮同開心，因為你可以順便去埋日本 我有次去美國經東京轉機就加玩左5日差D長過去美國的正trip，所以話去邊個地點轉機去好影響你坐直航定轉機！ 機程的長短 呢個因素我會直接用之前同我一齊頋日飛的港媽的例子同大家講下，她都算年紀大，都有成58歲，對於佢來講長途機有 D 辛苦 有一次，我同佢去美國玩完西岸去東岸，在旅程結束的一段機我選左直航紐約香港，成16個鐘，我個次就買左商務，我本身都以為佢會舒服 D，但點知佢飛到香港的時候同我講佢坐商務坐到好辛苦，我個刻反左白眼，但當幾年後我再同佢飛頭等去美國聽到佢同媽媽級空中服務員談心的時，原來佢話每次坐長途機都訓唔到，就算比商務佢都訓唔到，佢同空姐講頭等有得鋪床就好好多，可以訓到幾個鐘 媽媽級空姐問點解，佢話因為佢腰骨痛，所有好難熟睡，我個刻終於知道佢個次在紐約飛香港個句系真心話。當我扮訓醒的時候媽媽級空姐就同我講下次坐長途商務最好同佢地空姐講聲幫你媽媽整厚 D 個位等佢舒服 D ，如果唔系就唔好坐禁耐機 我個刻就明白到有時候直航對於一 D 人來講都未必禁好，反而坐轉機航班可以在轉機的地方住一晚等佢訓晚好先再飛 總括來講坐直航定轉機唔一定系以價錢去考慮，可以從其他方向諗值唔值得坐轉機航班，同大家可以關心下你身邊的長輩選一個適合佢地的飛行航程！
