生日大曬-香港半島高科技高級套房生日優惠體驗 + 預訂方法 話說在之前睇到Facebook 話半島就來生日,半島推出左一個生日優惠,可以用HKD1928 加服務費就可以住一晚,正好剛剛生日就即刻book 左去試下! 好多人都覺得香港半島好神秘,我今日就比個體驗文比大家參考下,我今次更加錢住左佢套房,一陣話比大家知點去訂 位置 9/10 我相信大家對半島的位置唔會唔識,佢正正就在太空館後面,對住維港,尖沙咀主要位置 房間 9.5/10 可能好多人都唔知半島的建築有分低座同高座,佢低座就系1至8樓,高座的房就會系17樓以上,今次佢就安排左3樓的套房比我!我今次升級左住高級套房,套房大就一定,但有時得個大字,內面空蕩蕩就冇咩意義,半島就唔會有呢個情況 一入門口就會見到個大廳,感覺好整齊,牆上面又有D花花圖案都好有特色 在入門口左手邊就有一個大櫃,裏面有mini bar,水杯,咖啡機等等的用品,裏面更有一個大電視同3D藍光碟機 再行入去就見到一張大梳化,梳化有貼心位就系在兩旁有一個申岀來的杯架 梳低對面就系辦公室枱,文具用品是基本,但想唔到佢有一部Fax 影印機,枱上面就有一部平版,同一部可以免費打到長途電話的房內無線電話 呢個平版真系要講下,佢除左有得控制所有燈同冷氣呢D基本野外,更可以幫你直接request 服務,包含拎日用品,拎水,執房,以至到叫room service 都可以做到!真系一個平版處理所有野! 行到入房,兩張大床,旁邊有房頭櫃,唔好以為都只不過系普通櫃,錯了!佢系一個有無線充電的床頭櫃!我真心第一次見,佢有別其他比個叉頭你,佢系貼左系一個皮面櫃度,好特別!佢更有一個萬用叉電頭比外國旅客 入廁所之前你會經過一個衣帽間,我可以用一間平時普通房的大細形容佢,佢大到中間可以有張枱比人放衫,佢更有指甲風乾機比女仕用 另一個重點系佢有一個櫃,呢個櫃系比你放你D需要人地入房幫你收的衣服同鞋,人地服務員就唔需要特登入你間房打擾你 好像我就放左對皮鞋入去等佢幫我擦鞋服務,佢就擦完放翻系個櫃裏面,超級方便! 講下廁所,兩個字,正常!我就覺得反而廁所就冇禁驚喜,反而覺得廁所比較舊,扣左少少分 設施 10/10 佢就咩設施都齊,Gym room, 泳池,我都做Gym 冇咩人,器材又足,都算不錯!佢Gym room 個view 先系重點,可以望住維港,好靚! 點擊圖片放大 泳池好有特色,古典裝潢配上維港景真系一絶!佢最特別系泳池的水底有音樂,當你一潛落水底時就可以聽到音樂 點擊圖片放大 餐飲 9/10 講翻今次半島送左兩個早餐比我地,所以我地可以去露台餐廳食,我地就覺得個早餐選擇好少,一眼望曬,但都系個句,景好有特色! 但佢的餐廳服務一流,配合到佢五星酒店的名譽,佢每個服務都好注重細節,我地見到佢會主動幫你整果汁,蛋的order 食物方面就好高質,好像食翻佢本身自己餐廳特色菜禁,讚! 點擊圖片放大 +5 服務 10/10 我好小見到酒店會禁注重個人化的服務,由我Check in 到check out,佢都同我講廣東話,對比其他香港酒店點都同你講英文先差好遠!呢個睇得岀酒店系睇過你個名同語言先開始服務的表現 另一個系服務效率,正如上面話我地可以用個平版去要求一D服務後,佢可以5分鐘內比到你想要的野,例如我在個平版租左D 3D藍光碟,佢5分鐘內比到我連埋3D眼鏡 有一個套房先有的特別服務,你可以免費訂佢架mini cooper 半島綠版3個鐘去香港機場以外的仼何地方,佢3個鐘唔系一程,系計你來回酒店,呢個好適合一家人去下郊遊 我就在check out 個日訂左佢3個鐘車去山頂行下,由酒店10點岀發,1點前返來超級方便,最可愛系佢架車,好cute,下次住套房一定要試! 點擊圖片放大 總結 9.7/10 今次真系比得好高分,酒店在多方面都做得好好,特別系個免費3個鐘mini cooper service,真系超抵,佢房間高科技到驚喜滿分! 預訂方法: 只需要你在你生日前一晚or 後兩晚之間都可以用HKD1928訂佢最低級客房一晚,當你想好似我禁試下佢的套房,你就可以補個差價去upgrade 上套房,你可以事前做or Check in 的時候處理都得! 而佢差價的計算方式就以當日你訂的房價做底價加上去,所以好像我呢間房禁就只需要額外比多3千蚊左右,超抵! 佢的優惠期到12月11號,大家不妨叫埋朋友享受下香港貴婦的酒店傳奇!