杜拜中轉地標性酒店 Jumeirah Al Qasr Executive Room 今次又再介紹下我上次去杜拜住的另一間酒店，住過之後就覺得適合中轉杜拜的旅客住 位置 6/10 酒店的位置就在杜拜帆船酒店旁邊，佢亦同屬帆船酒店同一品牌 講下酒店同市中心的距離，酒店位於杜拜以外的一片海灘位，如果要由市中心坐車都要大約30分鐘。酒店就有個好處，當你訂佢行政客房的時候，佢會包你來回專車接送！就算訂一晚佢都會送，我覺得呢方面超抵！ 房間 7/10 呢間酒店的房比較起上來就細D，但有個加分位，佢全部房間都剛剛完成裝修，所以都好新淨 房間以中東風格為主，可以見到佢的家具都會有中東風，佢的床就較為大張 禁幸運酒店升級左我地房去海景房，海景房就即表示可以見到帆船酒店，個景真系一絶！你可以一起身就睇到帆船酒店，房都會有一個大露台，你可以在露台影相同曬泳衣！ 設施 8/10 呢間酒店岀名大，佢有好多公共空間，住客可以在佢三間相連的酒店共用設施 Gym room 位於呢一間酒店，住呢間酒店的住客要行or 坐佢地高爾夫球車先可以去到，就因為佢要坐車所以我最後都去到 酒店連通一個沙灘，呢個沙灘好長，可以行走三間不同的酒店，呢個私人沙灘可以話是一個影相位，可以輕易影到一個冇人的帆船酒店全景！ 另外一個賣點會在酒店泳池，泳池超大，雖然比較多人，但水質都唔錯，佢泳池都會有好多救生員，好放心！ 餐飲 9/10 正因為酒店大，餐廳都會好多！入住check in 時酒店會比個餐廳概覽，包含多國菜餚。我地今次試左泰國菜同fine dining 法國菜，順便可以用埋個100美金消費額 講下個泰國菜，要去餐廳可以坐車 or 坐船，你冇睇錯系坐船，三間酒店會由一條河包圍住，住客可以坐船去指定的地方！講翻D菜色，泰菜的味道好接近正宗泰菜餐廳，香料味好重，食得岀由泰國廚師煮菜 另一間我地試左是Pierchic，呢間餐廳位於棧橋上面，呢條棧橋會由海灘申展岀去，餐廳位於就正正同帆船酒店平排，景觀一流！ 你去餐廳的時候佢會有三輪車車你過餐廳，途中吹下海風都好享受！今次經酒店同AE 訂位，可以幫我留到個窗邊位，真系食景都抵！ 講翻餐廳食物，餐廳主打法國海鮮，佢海鮮全部都是可持續性，食物質素好高，可能大家都以為餐廳會食景為主，但最後食物都好驚喜！大家不妨唔住都可以來餐廳食下飯！ 點擊圖片放大 +4 總分 7.5/10 總括而言，呢間酒店對中轉客來說幾好，特別推介下可以加錢住行政房，佢會包你來回機場車同有個Lounge，可能有夜間小食同雞尾調酒，酒店更會準備不同的調酒，中轉享受下都是不錯的選擇！
